miércoles, 19 de junio de 2019

LECTURAS COMPARTIDAS

Chegan ó final as Lecturas Compartidas e con elas ponse punto e seguido a compañías e amizades de dous cursos.




martes, 18 de junio de 2019

Recomendacións Verán 2019

Unha selección de libros que podedes descubrir no verán. Agardamos que sexan do voso interés.  
Bo verán!!

lunes, 17 de junio de 2019

VENRES DE HISTORIAS

Rematan os Venres de Historias, da man das rapazas e rapaces de 4ºA que representaron o conto "El vampiro debilucho" de Rocío Antón, Lola Núñez y Claudia Ranucci.
Grazas a todos por participar!!



VISITA DE INFANTIL

O venres, 14 de xuño, celebrouse a xornada de convivencia de Infantil coas escolas unitarias adscritas e as rapazas e rapaces de 1º.
Ó longo da mañá desenvolvéronse moitas actividades nas que coñeceron e visitaron distintas dependencias do seu cole de Primaria. Un dos lugares que visitaron foi a biblioteca. Alí coñeceron a Leo e desfrutaron da lectura do conto "O piano e o oso" de David Litchfield, acompañado da interpretación ó piano dunha rapaza de 6º e remataron cantando o conto da man da profe de música, Ana.







miércoles, 12 de junio de 2019

VENRES DE HISTORIAS

Este venres, 7 de xuño, tivemos na biblioteca ás rapazas e rapaces de 2ºB que nos dramatizaron o conto "Todos menos uno" de Éric Battut. 



Ademáis tras o conto o grupo de pandereteiras, que ensaiou nos recreos durante este curso, amosounos canto aprenderon coa súa mestra Paula. 
Un pracer de venres!!


jueves, 30 de mayo de 2019

LETRAS GALEGAS

Con motivo da celebración do día das Letras Galegas desenvolvéronse diversas actividades nas que participou o noso colexio.
O Concello convocou un concurso de carteis e tres alumnos do colexio obtiveron os tres primeiros premios.
Visitáronnos a Escola Municipal de Folclore e o grupo de danzas gremiais de Betanzos, mariñeiros e labregos. 
Contamos, tamén, co grupo Xandobela que acercou a figura de Antón Fraguas ás nenas e nenos de 2º de Primaria e de Infantil.



miércoles, 29 de mayo de 2019

OBRADOIROS DE LIBROS

Séguense a desenvolver os obradoiros de libros na biblioteca. Nenas e nenos, coa axuda de profes, elaboran orixinais manualidades relacionadas cos seus libros favoritos.





domingo, 26 de mayo de 2019

ESPALLANDO HISTORIAS

As rapazas e rapaces de 6ºA seguen a espallar historias polo noso cole. De novo, foron visitar ós máis pequenos para contarlles un conto.



VENRES DE HISTORIAS

Un venres máis, enchemos de historias a nosa biblioteca da man da curtametraxe "Spring" de Andy Goralczyk.




martes, 14 de mayo de 2019

NOVIDADES BIBLIOTECA INCLUSIVA

Botádelle un ollo ás novidades que temos na biblioteca nesta estantería virtual. Se pinchas en cada libro poderás saber máis del.







domingo, 12 de mayo de 2019

COMPARTINDO CONTOS

Un grupo de alumnos e alumnas de 6ºA visitaron o ás rapazas e rapaces no cole de Infantil, o martes 7 e o xoves 8 de maio, para compartir con eles un ratiño e agasallalos cun conto.


VENRES DE HISTORIAS

Continúamos cos Venres de Historias na biblioteca de Infantil e na de Primaria. 
O venres 3 de maio proxectouse en Primaria a curta "Los fantásticos libros voladores del señor Morris Lessmore" e o 10 de maio representaron a versión do conto La Cenicienta do libro "Cuentos en verso para niños perversos" de Rodari, as nenas e nenos de 6ºC.




En Infantil o 24 de abril proxectouse a curta "Si yo tuviera una púa" e o 10 de maio "La Cenicienta".






miércoles, 8 de mayo de 2019

DÍA DO LIBRO

Para conmemorar o día do Libro as rapazas e rapaces de 2º B fixeron uns preciosos marcapáxinas e envíannos esta mensaxe para animar a todo o mundo a ler.


jueves, 2 de mayo de 2019

O PRINCIPIÑO

Unha das actividades propostas para conmemorar o día do libro foi elaborar, entre toda a comunidade educativa do colexio, un vídeo resumo do libro do "Principiño" que serviu de guía e punto de partida para o noso PDI.
Este foi o resultado.




miércoles, 1 de mayo de 2019

Raquel Queizás

O pasado martes, tivemos a sorte de escoitar a Raquel Queizás na nosa biblio. Contounos historias de  cando Antón Fraguas (Letras Galegas 2019) era neno. O alumnado de primeiro pasárono xenial.

miércoles, 24 de abril de 2019

II INTERCAMBIO DE LIBROS

Xa deu comezo o II Intercambio de libros da biblioteca organizado para conmemorar o Día do libro.
Esta é unha das actividades á que se uniu a visita de Raquel Queizás para as rapazas e rapaces de 1º e a gravación conxunta do Principiño.

VENRES DE HISTORIAS

Para despedir o segundo trimestre proxectouse a curta "A Ponte" de Pixar na biblioteca de Educación Infantil.



Na biblioteca sita no edifico de Primaria, un fragmento da película "Wonder" basada no libro "La lección de August" de R. Palacio. Este libro serviu de punto de partida para traballar o  "Día Internacional das persoas con discapacidade" o 3 de decembro. 


martes, 9 de abril de 2019

DÍA DO LIBRO

Para conmemorar o día do Libro imos celebrar o II Intercambio de Libros. 
Poderán participar todos os rapaces e rapazas que o desexen, só deberán traer un libro en bo estado que canxearán por un vale.
O vale poderán cambialo por outro libro na semana do 23 ao 26 de abril durante o recreo.


viernes, 5 de abril de 2019

VENRES DE HISTORIAS

Nesta semana, na bibioteca de Infantil representaron o conto "El pez arcoiris", de Marcus Pfister, e na biblioteca en Primaria, Xiana e Daniela de 5ºA, contáronnos o conto escrito e ilustrado por elas, "Los monitos" . Fixérono fenomenal!





CONTOS EN INFANTIL

Un grupo de rapaces de 6ºA visitaron a biblioteca do edificio de Infantil para lerlles o conto "LA OVEJA QUE VINO A CENAR" de Steve Smallman e Joelle Dreidemy.



jueves, 4 de abril de 2019

VENRES DE HISTORIAS

Continuou, durante estas semanas, a actividade de Venres de Historias.

O venres, 22 de marzo, en Primaria e en Infantil representaron o  conto "Unha montaña de amigos" e en Primaria nenas de 5º A leron un conto do Principiño .



O 27 de marzo en Primaria proxectouse a curta de Pixar "Piper" e en Infantil "Paula y su cabello multicolor"



viernes, 29 de marzo de 2019

EXPOSICIÓN SOBRE POESÍA

A UTILIDADE DO INÚTIL.
Dende hai xa uns días na biblioteca teñen un lugar preferente os libros de poesía. Poden ser unha boa fonte de inspiración para participar na actividade "Poesía no Comercio", organizada polo Equipo de Dinamización da Lingua en colaboración co Concello de Betanzos ou simplemente para gozar dela.



lunes, 18 de marzo de 2019

OBRADOIROS DE LIBROS

Séguense a desenvolver os obradoiros de libros na biblioteca. Nenas e nenos, coa axuda de profes, elaboran orixinais manualidades relacionadas cos seus libros favoritos.





domingo, 17 de marzo de 2019

LAS TIJERAS DE MATISSE

Os alumnos máis maiores seguen a regalar contos polas aulas. Esta semana contaron o conto baseado na vida do pintor Matisse, "Las tijeras de Matisse" de Jeanette Winter.







sábado, 16 de marzo de 2019

POESÍA

Para  animarvos e axudarvos  a facer as propostas de poesía, que se fixeron dende o Equipo de Dinamización Lingüística, recomendámosvos estes doce libros que podedes atopar na nosa Biblioteca.



VENRES DE HISTORIAS. 15 DE MARZO

Este venres desfrutamos de grandes historias grazas a dúas curtas imprescindibles.
En Infantil, a Fada Mariña trouxo a curta "A ovella pelada" de Pixar e, en Primaria, o rato Leo compartiu a conmovedora historia de "Cuerdas" de Pedro Solís.








martes, 12 de marzo de 2019