martes, 19 de outubro de 2021

EXPOSICIÓN SOBRE RICARDO CARVALHO CALERO EN BETANZOS

 

A Deputación da Coruña e o Concello de Betanzos organizan esta exposición ao aire libre para difundir a figura de Ricardo Carvalho Calero logo de que no pasado ano 2020 non se puidesen levar a cabo todas as actividades previstas para a celebración das Letras Galegas pola situación da pandemia.


A mostra, que consta de 13 paneis, percorre a vida e a traxectoria de Ricardo Carvalho Calero , desde o punto de vista vital e profesional do autor, desde o seu nacemento en Ferrol ata o peche co titulado "Mestre de Compromisos".


sábado, 16 de outubro de 2021

BIBLOFEIRA. ESPECIAL PDI " A TERRA"

Animados a ler, indagar, investigar sobre A Terra ? Aquí tedes unha escolma de libros que vos axudarán a entender mellor como é a vida no noso planeta. De seguro que vos sorprenderán !
Biblofeira 16 outubro. PDI A Terra de bibliotecavales

martes, 12 de outubro de 2021

DÍA DAS ESCRITORAS

O Día das Escritoras reivindica o labor e o legado das escritoras a través da historia. Este ano,  celébrase o día 15 de outubro baixo o lema :

"Ler as idades da vida"


           
                                               
Dende a Biblio queremos aproveitar esta data para homenaxear a Emilia Pardo Bazán, posto que o pasado 12 de maio cumpríronse 100 anos da morte desta escritora galega , considerada por moitos como a mellor novelista española do século XIX.

Debaixo tedes o vídeo dun conto escrito por ela, "La moneda del mundo". Escoitádeo e animádevos a escribir.



Gustouvos o conto? De seguro que si. Se queredes ler máis textos de escritoras galegas, non tedes máis que premer non enlace de abaixo. 



E se queredes, tamén podedes ver neste video a unha das vosas escritoras favoritas! Aquí tedes a Ledicia Costas.



domingo, 3 de outubro de 2021

CREATIVIDADE NA BIBLIOTECA

 

Xa tivemos visita á biblioteca e a clase de 5º E disfrutou facendo papiroflexia. Mirade que ben lles quedaron as súas creacións !!!




ABRIMOS A BIBLIOTECA DE LEO E MARIÑA

Que ganas tiñamos de poder abrir as portas da biblioteca de Leo e Mariña !!!  Ese momento xa chegou e os vosos profes poden reservar quenda para visitala. Veredes que está moi bonita  e que é moi agradable estar nela. 

Cando veñades, tedes que seguir o Protocolo COVID e só vos queda disfrutar da lectura, da escritura e da vosa creatividade. Se aínda non estades animados, escoitade aos vosos compañeiros e compañeiras de 5ºE.






mércores, 8 de setembro de 2021

PROXECTO DOCUMENTAL INTEGRADO "A TERRA"

COMEZAMOS CURSO ! AQUÍ ESTAMOS, CON NOVOS ÁNIMOS E MOITAS GANAS DE DIVERTIRNOS APRENDENDO E INVESTIGANDO.ESTE ANO QUEREMOS SABER MÁIS SOBRE A TERRA E POR ISO IMOS DESENVOLVER UN PDI SOBRE ELA.

venres, 18 de xuño de 2021

RECOMENDACIÓNS PARA PASAR UN BO VERÁN

QUERIDOS NENOS E NENAS, CHEGAMOS AO FINAL DE CURSO TENDO NA NOSA MENTE E NO NOSO CORAZÓN UN MONTÓN DE FERMOSOS LIBROS, AVENTURAS E PERSONAXES QUE NOS FIXERON SOÑAR E COÑECER OUTROS MUNDOS E EMOCIÓNS.

recomendación s de bibliotecavales 

O EQUIPO DA BIBLIOTECA DESÉXAVOS UN MAGNIFÍCO VERÁN, QUE DE SEGURO IDES APROVEITAR, E NO QUE RECORREREDES DISTINTAS XEOGRAFÍAS LECTORAS. CONTÁDENOLO EN SETEMBRO ?      

VÉMONOS AXIÑA NA BIBLIOTECA DE LEO E MARIÑA !

xoves, 17 de xuño de 2021

VENRES DE HISTORIAS BAIXA O TELÓN

 Baixa o telón os VENRES HISTORIAS e faino por todo o alto, con dúas historias:

BERENGUELA, de Manuel María, interpretada polas compañeiras e compañeiros de 4ºA 

e

THE GINGERBREAD MAN contado polos rapaces e rapazas de 6ºE


Grazas a todos os que fixestes posible seguir compartindo HISTORIAS na distancia.
FELIZ VERÁN!!!


xoves, 3 de xuño de 2021

VENRES DE HISTORIAS: NON HAI PLANETA B

 Dende os VENRES DE HISTORIAS sumámonos á importante conmemoración  que se celebra mañá, 5 de xuño: O DÍA INTERNACIONAL DO MEDIO AMBIENTE.

Compartimos dúas curtametraxes para pensar e reflexionar: 

DE HOMO CONSUMUS A HOMO RESPONSABILIS de Pablo Llorents.



SOCIEDAD DE CONSUMO E OBSOLECENCIA PROGRAMADA de Steve Cutts. 

Se non sabes o que é a OBSOLESCENCIA PROGRAMADA anímate a investigalo!!



martes, 1 de xuño de 2021

BIBLOFEIRA EN PROL DO MEDIOAMBIENTE

O PRÓXIMO 5 DE XUÑO É UNHA DATA MOI ESPECIAL PARA TODOS OS QUE AMAMOS A NATUREZA E RESPECTAMOS E COIDAMOS O MEDIOAMBIENTE. 

NA BIBLIOTECA TEMOS UNS LIBROS FANTÁSTICOS QUE NOS AXUDAN A CELEBRAR O DÍA MUNDIAL DO MEDIOAMBIENTE. CAL QUERES LER?



 

luns, 31 de maio de 2021

CELEBRAMOS O DÍA DO LIBRO

TODO O COLEXIO CELEBROU DURANTE VARIOS DÍAS ESTA DATA TAN SINALADA. MIRADE QUE BEN QUEDARON OS VOSOS TRABALLOS !

DÍA DO LIBRO de bibliotecavales

 O alumnado de  celebrou o Día do libro decorando as súas fiestras cun gran mural para que todos o vexamos no patio.

Como bos escritores e escritoras que son, os rapaces e rapazas de 2º comparten con nós os seus contos. Todos eles suceden, sucederon ou poden suceder en Betanzos. Lede e veredes !



O alumnado de tamén nos agosallou cos seus contos. Todos os personaxes viven nas augas do Mandeo e da Terra das Mariñas.




O alumnado de festexou o Día do Libro infantil e o Día do Libro con actividades variadas encamiñadas a recoñecer e resaltar a importancia que os libros teñen na nosa vida.

Deixámosvos aquí algunhas delas:






O alumnado de tamén nos fixo unha achega animándonos a todos a ler. Mirade!
O alumnado de sexto fanvos as seguintes suxestións de libros ben interesantes.Convertíronse en INFLUEN-LER!

venres, 28 de maio de 2021

xoves, 27 de maio de 2021

VENRES DE HISTORIAS.

 As rapazas e rapaces de 4º E comparten, con todos nós, o segundo acto da súa representación da adaptación do conto da RATIÑA PRESUMIDA.





mércores, 26 de maio de 2021

DÍA DO LIBRO. 2º

 Coma  bos escritores e escritoras que son, as rapazas e rapaces de 2º tardaron un pouquiño en compartir con todos nós os seus contos pero aquí os tendes. 

Todos os contos suceden, sucederon ou poden suceder en Betanzos...lede e veredes!!



martes, 25 de maio de 2021

AVALIACIÓN : ENQUISA AO PROFESORADO

ENQUISA 

Xa vai rematando o curso e o Equipo de Biblioteca quere preguntarvos a vosa opinión sobre o funcionamento da mesma. 

Moitísimas grazas pola vosa COLABORACIÓN !      É imprescindible para seguir avanzando.




                                    


Por favor, preme no enlace para participar DENDE A SECCIÓN DE PRIMARIA:



GRAZAS !

xoves, 20 de maio de 2021

VENRES DE HISTORIAS. EU SON GALICIA

 Achegámonos ó 5 de xuño, DÍA MUNDIAL DO MEDIO AMBIENTE.

Nesta curtametraxe, elaborada polo proxecto Galego XEOCLIP, querémovos lembrar, a través das súas fermosas imaxes, como é Galicia: fermosa, brava, feble, agarimosa... e única.

Na nosa man está conservala.



domingo, 16 de maio de 2021

BIBLOFEIRA EN GALEGO

HOXE ADICAMOS A BIBLOFEIRA A TODAS AQUELAS NOVIDADES QUE MERCAMOS DURANTE O CURSO E QUE ESCOLLEMOS MERCAR NA NOSA LINGUA. LER EN GALEGO É PENSAR EN GALEGO.


xoves, 13 de maio de 2021

VENRES DE HISTORIAS.

 Neste VENRES DE HISTORIAS, compartimos con vós o primeiro acto dunha obra de teatro, baseada no conto da RATIÑA PRESUMIDA, interpretada polas rapazas e rapaces de 4º F.



xoves, 6 de maio de 2021

VENRES DE HISTORIAS. 7 DE MAIO. XELA ARIAS

 Estamos a achegarnos a unha das datas máis importantes do ano, o 17 de maio, o día DAS LETRAS GALEGAS que este ano está adicado a XELA ARIAS.

Ilustración : Tania Solla

Neste VENRES DE HISTORIAS, compartimos con todos o traballo das rapazas e rapaces de 5º de Primaria do Colexio San Pío X de Ourense. Unha curta onde podedes achegarvos, un pouquiño máis, á figura de XELA ARIAS.




xoves, 29 de abril de 2021

VENRES DE HISTORIAS.

Neste último venres do mes de abril contamos, nos VENRES DE HISTORIAS, coa colaboración de José Alonso de 6º A.
Prestade moita atención á lectura que fai de  "UN POCO VALIENTE" de Nicola Kinnear, publicado por SM.



MOITAS GRAZAS POR COMPARTIR!!

 

xoves, 22 de abril de 2021

VENRES DE HISTORIAS. 23 DE ABRIL: DÍA DO LIBRO

 Nesta data tan especial, as curtas deste VENRES DE HISTORIAS, coma non pode ser doutra forma, están adicadas ós LIBROS.

O LIBRO é, segundo a Real Academia Galega, " un conxunto de follas escritas ou impresas, cosidas ou pegadas entre si e encadernadas" pero, todos os que AMAMOS os LIBROS, sabemos que son MOITO MÁIS, non sí?

Unha aventura tras outra...


Alimento para a alma...
....................
FELIZ DÍA DO LIBRO!!




xoves, 15 de abril de 2021

BIBLOFEIRA " DÍA INTERNACIONAL DO LIBRO "

Como sabedes, a vindeira semana celebramos o Día do libro. Na presentación podedes ver que na Biblio temos libros que falan de libros, de letras, do gusto pola lectura, da importancia que teñen as nosas propias "Xeografías lectoras" para desenvolvernos como persoas. 




Green and Blue Playful Visual Arts Class Education Presentation de bibliotecavales

VENRES DE HISTORIAS. EL PEZ ARCOIRIS

Neste VENRES DE HISTORIAS Eloy, de 6ºA, cóntanos as aventuras do "PEZ ARCOIRIS" de Marcus Pfister.
Esta e outras aventuras del podédelas atopar na biblioteca.
Moitas grazas polo teu traballo!!



 

xoves, 8 de abril de 2021

VENRES DE HISTORIAS. CUERDAS

 Este VENRES DE HISTORIAS está adicado á memoria de Nicolás Solís, o neno que inspirou CUERDAS, curtametraxe española dirixida por Pedro Solís, o seu pai, en 2013.

Nicolás morreu a pasada semana ós 16 anos.

Non o esquezades e sede sempre coma MARÍA!!

 


Na biblioteca tendes varios exemplares do libro e DVD.






mércores, 7 de abril de 2021

CELEBRAMOS O DÍA DA POESÍA

 O pasado 21 de abril celebramos o Día da poesía no noso colexio. Mirade que ben quedaron os vosos traballos e como se nota que vos gustou ler, escribir e ilustrar poemas.


Os compañeiros de 1º A disfrutaron co poema O arco da vella de Manuel María


O alumnado de 2º enviounos este vídeo tan chulo!


En 3º B pensaron en ilustrar unha "Besta poética"




Mirade que acrósticos fixeron en 4º A




En 5º disfrutaron moito da visita da poeta Antía Otero 




O alumnado de 6º A  enviou unha presentación de acrósticos estupenda!. En 6º E animáronse a recitar e incluso cantar a obra de Rosalía Cantares Galegos
 


venres, 2 de abril de 2021

DÍA INTERNACIONALDO LIBRO INFANTIL


Como todos os anos dende 1967, o
 IBBY (International Board on Books for  Young People) promove a celebración do Día Internacional do Libro Infantil o 2 de abril, conmemorando o nacemento de Hans Christian Andersen


                                        


             

sábado, 27 de marzo de 2021

DÍA INTERNACIONAL DO TEATRO

 O Día Mundial do Teatro celébrase o 27 de marzo de cada ano e foi creado polo Instituto Internacional do Teatro (ITI) no ano 1961. O seu principal obxectivo é dar a coñecer o que representa o teatro para a cultura a nivel mundial.




Na Biblioteca tendes onde escoller. 
Anímádevos a ler e representar unha obra de teatro. 






xoves, 25 de marzo de 2021

VENRES DE HISTORIAS. PASCUA

 As compañeiras e compañeiros de 6ºE preparáronnos esta representación do COELLO PETO, unha historia para irnos achegando cun soriso á PASCUA.

Grazas ás rapazas e rapaces de 6º E por seguir compartindo historias con todos nós.

Feliz e merecido descanso á todos.

Vémonos á volta da Pascua!!



 

domingo, 21 de marzo de 2021

DÍA INTERNACIONAL DA NARRACIÓN ORAL

O Sábado, día 20 conmemorouse  o Día internacional da narración oral e a escritora Fina Casalderrey redactou un Manifesto que compartimos con vós. Convidámosvos a participar lendo o texto de Fina e contando historias nas vosas aulas.


martes, 16 de marzo de 2021

BIBLOFEIRA ADICADA Á POESÍA

O vindeiro 21 de Marzo celebramos o Día da Poesía. Seguro que xa líchedes moitos poemas e que incluso sabedes os vosos favoritos de memoria.  Deixámosvos unha mostra dalgúns libros de poesía que temos na Biblio e vos adiantamos  que este ano o Día das Letras Galegas estará adicado á poetisa Xela Arias.



Celebramos o Día da poesía de bibliotecavales

venres, 12 de marzo de 2021

SEMANA DA PRENSA

Os medios de comunicación son ferramentas  para informar  e comunicar contidos de forma masiva ás persoas. 

Hoxe temos varias formas de acceso á información de distinto tipo: social, cultural, deportiva, política, económica e esta información pode tamén referirse a un contexto local , comunitario, nacional ou incluso mundial.

A prensa, o xornal, é un destes medios masivos de comunicación e, ademáis ten máis seguidores debido a que ten soporte dixital en Internet . De seguro que tedes lido moitas novas a través do teléfono móbil ou das tablets. Máis, a que tamén é estupendo pasar as páxinas do xornal ? 


Na Biblioteca contamos co xornal mensual O papagaio en formato papel e vos deixamos o enlace á súa versión dixital.



https://www.opapagaio.gal/o-papagaio-dixital


CRECER LENDO COMIGO

O Centro Nacional de Innovación e Investigación Educativa proponnos, a través de  Leer.es, unha serie de recursos de fomento da lectura destinados ás familias e aos docentes.

Realmente é moi interesante porque o proxecto presenta  catro recursos organizados por grupos de idade (ata 3 anos, de 4 a 7 e de 8 a 11 ou máis) . Neles se ofrece información sobres as características dos nenos e nenas a esas idades , así como as distintas estratexias que poden empregar os adultos para xerar o gusto pola lectura.


Aquí tendes o enlace: https://leer.es/proyectos/crece-leyendo-conmigo


xoves, 11 de marzo de 2021

VENRES DE HISTORIAS. A VACA QUE PUXO UN OVO

 Hoxe, da man de Álvaro Segade Martínez de 6ºA, imos pasar un bo rato escoitando "A VACA QUE PUXO UN OVO" de Andy Cutbill e Russel Ayto. Este libro podédelo atopar na biblioteca.

Moitas grazas polo teu traballo, Álvaro.




luns, 8 de marzo de 2021

IGUAIS E LIBRES : EDUCACIÓN RESPONSABLE

OS CONTOS TRANSMITEN VALORES E EMOCIÓNS. EN TERCEIRO TRABALLARON A OBRA "ARTURO E CLEMENTINA", UNHA HISTORIA DE SUPERACIÓN DO MALTRATO PSICOLÓXICO NA QUE A PROTAGONISTA TEN UNHAS CUALIDADES QUE A ALONXAN DAS CARACTERÍSTICAS DAS PERSONAXES FEMININAS DA LITERATURA CLÁSICA INFANTIL.
  
      





DÍA INTERNACIONAL DA MULLER

Como sabedes, celebramos unha data moi especial, máis dende a Biblio xa o levamos celebrando dende  o día 1 (Bibliofeira ) e máis co pasado "Venres de Historias" e as súas interesantes propostas.

Hoxe, traemos ao noso Blog a Declaración da Directora Executiva da ONU sobre o Día Internacional da Muller 2021. Nela denuncia que durante a pandemia estase a producir un aumento da violencia contra as mulleres e as nenas insostible. 

Con todo, existen algúns logros que son motivo de celebración, aínda que sigan a ser claramente unha excepción. Son as mulleres que teñen chegado ao máis alto de entidades como á Organización Mundial do Comercio, ao Fondo Monetario Internacional ou ao Banco Central Europeo e esperamos que se produzan máis nomeamentos deste tipo.



xoves, 4 de marzo de 2021

VENRES DE HISTORIAS. DÍA DA MULLER

Non deixamos pasar a data do 8 de Marzo, Día Internacional da Muller, nestes Venres de Historias.

Invitámosvos nesta ocasión a ver varias curtas, tendes donde escoller.

Agardamos que vos gusten e vos fagan reflexionar, aprender e nos axuden a todos a avanzar cara unha mellor  sociedade.

DRAGON BOY de Lisa Allen, Bernardo Warman e Shaofu Zhang


¿QUÉ SIGNIFICA HACER ALGO "COMO UNA NIÑA"?

¿POR QUÉ DÍA DE LA MUJER?








luns, 1 de marzo de 2021

BIBLOFEIRA ADICADA AO DÍA INTERNACIONAL DA MULLER

Para celebrar este día temos a sorte de contar na nosa biblioteca cunha boa chea de libros que nos falan  sobre mulleres que traballaron para que outras poidesen ter máis dereitos ou simplemente empezasen a crer que a igualdade é unha necesidade. Aquí tedes unha escolma de libros que salientan a dignidade e  a valía das mulleres, en todos os ámbitos e ao longo da historia.
Día Internacional da muller traballadora de bibliotecavales

xoves, 25 de febreiro de 2021

VENRES DE HISTORIAS. HILO SIN FIN

 Este venres Lara Fernández, coa colaboración de Maya Lage, de 6ºA cóntanos o conto HILO SIN FIN de Mac Barnett e Jon Klassen, que podedes atopar na biblioteca.

Moitas grazas polo voso traballo e compartir con todos nós!!






sábado, 20 de febreiro de 2021

ROSALÍA DE CASTRO: MOITO QUE CELEBRAR


Esta semana temos moito que celebrar , nin máis nin menos, que rendirlle homenaxe a unha  escritora galega única, adiantada ao seu tempo, unha namorada da cultura ,que soubo transmitirnos tamén o seu amor por Galicia.

BIOGRAFÍA


POEMAS MUSICADOS




Lembrade que tedes máis información e unidades didácticas no blog do cole "Non te cortes coa Lingua"


xoves, 18 de febreiro de 2021

VENRES DE HISTORIAS. ALIKE

 Hoxe ALIKE, dirixida por Daniel Martínez Lara e Rafa Cano Méndez. Unha curtametraxe animada para PENSAR e REPENSAR que vida temos e que vida queremos ter, GRIS ou de CORES.




sábado, 13 de febreiro de 2021

13 DE FEBREIRO: DÍA MUNDIAL DA RADIO

Hoxe, Sábado  13 de febreiro é a data proclamada polas Nacións Unidas como Día Mundial da Radio.A iniciativa para o establecemento oficial desta celebración internacional foi cousa da Academia Española da Radio, de xeito que en 2011 a proposta foi presentada  na UNESCO e na ONU.  Polo tanto, este ano se conmemora o décimo aniversario.



O lema oficial deste ano é
"Novo mundo, nova Radio" . O lema quere salientar que este medio de comunicación evoluciona, adaptándose aos cambios e innovando e ademáis segue a ser un referente para estar conectados co Mundo e a sociedade.



Apetécevos escoitar música infantil en Radio Picariña? Preme no enlace: https://www.crtvg.es/en-directo/canles-directos-rg/radio-picarina



xoves, 11 de febreiro de 2021

VENRES DE HISTORIAS. SIETE RATONES CIEGOS

 As nenas e nenos de 4ºF comparten con todos estas representacións da historia "SIETE RATONES CIEGOS" de Ed Young.

Este libro está dispoñible na biblioteca do colexio, na ubicada no edificio de infantil, por se o queredes solicitar.

Moitas grazas polo voso traballo!!






DÍA INTERNACIONAL DA MULLER E A NENA NA CIENCIA


 Hoxe celébrase  o Día Internacional da Muller e a Nena na Ciencia e, dende a biblio, queremos deixarvos un vídeo que nos encanta . Escoitádeo con atención para que podamos seguir avanzando na igualdade.




 E aquí, neste enlace, podedes acceder a moita máis información sobre MULLERES GALEGAS DE CIENCIA



xoves, 4 de febreiro de 2021

luns, 1 de febreiro de 2021

Día da Ilustración

 

Día da Ilustración celébrase cada ano o 30 de xaneiro, coincidindo co día do nacemento de Castelao. Ademais de lembrar e reivindicar o papel dos profesionais da ilustración na industria cultural, cada ano é homenaxeado un ilustrador histórico galego. A protagonista deste ano é Lolita Díaz Baliño.