E por fin, despois de tanto esforzo, chegaron as merecidísimas vacacións de Nadal. De seguro que vos apetecerá ler un ratiño. Aquí tendes algúns dos últimos títulos que mercamos na biblioteca e que vos recomendamos para calquera momento do ano.
O día 12 de decembro tivemos a sorte de contar coa visita da escritora galega LEDICIA COSTAS.
Foi unha visita breve, na que pasou pola nosa RADIO onde nenas e nenos de 4º a entrevistaron baixo a dirección técnica dunha compañeira de 6º.
Nunha sala de Usos Múltiples repleta, atendeu ás preguntas que os rapaces e rapazas de 4º lle fixeron sobre a súa profesión de escritora e o seu libro ESCARLATINA, A COCIÑEIRA DEFUNTA.
Continúan as LECTURAS COMPARTIDAS diariamente na nosa biblioteca e, ás veces, traen sorpresas coma a que tiveron as rapazas e rapaces de 2ºE. Os seus padriños lectores de 6ºE lles prepararon a versión de CARAPUCHIÑA VERMELLA, de Cuentos en verso para niños perversos de Roald Dahl e un OBRADOIRO DE MARCAPÁXINAS.
Para conmemorar o DÍA INTERNACIONAL DA ELIMINACIÓN DA VIOLENCIA CONTRA A MULLER, no nosa escola realizáronse diversos traballos . A continuación podedes ver algúns.
Mariña e máis eu tivemos moito traballo escollendo os debuxos das mascotas que nos van acompañar durante a nosa viaxe polas culturas de tantos países diferentes pero, por fin, tomamos unha decisión!
ESTAMOS DE NORABOA PORQUE CELEBRAMOS TODO UN MES DE CIENCIA NA BIBLIOTECA. É POR ISO QUE PODEDES VISITAR UNHA EXPOSICIÓN DE LIBROS COS QUE FACER EXPERIMENTOS OU OBTER DATOS CURIOSOS SOBRE OS ELEMENTOS DA NATUREZA, INDAGAR NA VIDA DAS CIENTÍFICAS E DOS CIENTÍCOS MÁIS IMPORTANTES OU ATOPAR INFORMACIÓN SOBRE OS MELLORES INVENTOS DA HUMANIDADE.
SE QUEREDES SER CURIOSOS E INVESTIGAR SOBRE OS INVENTOS MÁIS SALIENTABLES DA CULTURA QUE ESTADES COÑECENDO A TRAVÉS DO PDI, PODEDES PEDIRLLE O MODELO DE RECOLLIDA DE DATOS AOS VOSOS MESTRES OU DESCARGALO DIRECTAMENTE NESTES ENLACES: Modelo para E. Infantil e Modelo para Primaria.
TAMÉN PODEDES VISITAR OS ENLACES QUE PREPAROU BIBLIOTECAS ESCOLARES, NOS QUE TEDES ACCESO A MOITOS RECURSOS ON LINE.
As nosas mascotas andan moi activas últimamente e Leo e Mariña mandaron outra carta a todos os nenos e nenas do cole, nesta ocasión, para convidalos a visitar a biblioteca e deixar alí os seus debuxos e logos das mascotas dos países que estades a investigar. Esta é a carta, que tamén podedes ler nas vosas clases.
Animádevos a participar dende o día 7 ao 11 deste mes.
Hoxe é un día moi especial para a fada Mariña e para min, xa sabedes, Leo , o rato da Biblioteca, porque celebramos o Día das Bibliotecas.
Por iso recibíchedes nas vosas clases unha carta nosa na que vos pedimos axuda para investigar sobre as DIVERSAS CULTURAS que hai
na Terra.
Por se todavía non chegou á vosa aula, Mariña e máis eu decidimos publicala tamén no blog e así a podedes ler as veces que vos apeteza.Teredes que estar atentos e atentas porque pensamos escribirvos a miudo.
Hoxe celebramos o DÍA DAS BIBLIOTECAS dun xeito moi divertido. Dispuxemos varias tendas de campaña polo cole para que podades reservar a vosa quenda e ler cos vosos amigos e amigas durante os recreos das próximas dúas semanas.
Estamos seguros de que atoparedes moitas historias de medo, de bruxas e seres do inframundo...nas exposicións que hai na entrada e dentro da biblioteca.
Hoxe, 17 de outubro celebraremos este día baixoo lema:
“ANTES, DURANTE E DESPOIS DAS GUERRAS”.
Nos seus textos, as escritoras reflicten sentimentos e desexos incumpridos en tempos de conflito bélico. As escritoras galegas participan de esta homenaxe. Queredes comprobalo? Animádevos a :
Sabedes que na biblioteca tedes moitos libros escritos por mulleres. Fixádevos cantos son !!! Mais, só é unha pequena escolma porque, se nos visitas, atoparás moitísimos entre os andeis.
Os compañeiros de 6ºE quixeron sumarse á celebración deste día facéndolle a súa propia homenaxe aGLORIA FUERTES.
O Día europeo das Linguas celébrase dende o ano 2001 para promover a aprendizaxe de idiomas, o plurilingüismo e defender a diversidade cultural en todo o continente europeo, onde se falan máis de 225 idiomas!!!
E ASÍ, CASE SEN QUE NOS DERAMOS CONTA, ENTRE TANTAS ACTIVIDADES E EMOCIÓNS, CHEGAMOS A FIN DE CURSO.
NON QUEREMOS QUE VOTEDES EN FALTA AS VOSAS LECTURAS FAVORITAS E, POR ISO, IGUAL QUE PREPARAMOS A ROUPA QUE QUEREMOS LEVAR CANDO MARCHAMOS DE VACACIÓNS, O EQUIPO DA BIBLIOTECA PREPAROUVOS UNHA MALETA CHEA DE LIBROS PARA QUE ESCOLLADES CALES PREFERIDES COLOCAR ENTRE OS IMPRESCINDIBLES PARA LEVAR.
A axenda cultural do Concello inclúe unha actividade feita poloscompañeiros e compañeiras de terceiro enmarcada no traballo de investigación do PDI "A Terra" e que leva por título "O que o mar non quere levar"
Noraboa pola exposición e polo traballo!Animádevos a visitala e sacar as vosas propias conclusións.
No Vales andamos de sorte porque últimamente poidemos coñecer a varios escritores e escritoras que nos encantan , dos que aprendemos e lemos moito.
Contáronnos como se iniciaron nisto de escribir, asináronnos as súas obras e se prestaron a que os alumnos voluntarios da biblioteca lles fixeran entrevistas para a nosa radio
A historia real na que está inspirada, conta que GANDHI ía montarse nun tren cun amigo e coma non tiñan cartos ían subirse en marcha a un tren de mercadorías.
Ó arrancar o tren, GANDHI e o seu amigo correron para subir e, o saltar, GANDHI perdeu un dos zapatos.
O tren ía moi rápido para baixar e recuperar o zapato e entón decidiu tirar o outro.
O seu amigo preguntoulle: Por que fixeches iso?
GANDHI contestou: A min un zapato só non me serve de nada. Cando cheguemos terei que conseguir outro par. Á persoa que atope ese zapato, non lle servirá de nada. Asi, alguén terá, polo menos un par de zapatos e lle serán útiles...
Dirección: Sarah Rozik Guión: Mohammed Maher Director de fotografía: Haitham Nasser Montaxe: Eman Samir Música e deseño de son : Mohamed Hassan Elhanafy Director de arte: Hassan Elplisy Produccción: Yasser Elfishawy Actores : Ali Rozik y Omar Rozik
QUE BEN O PASAMOS ESTE ANO CELEBRANDO O NOSO DÍA, O DAS LETRAS GALEGAS !!!
TIVEMOS TEMPO DE ESCOITAR A VIDA DEFLORENCIO DELGADO GURRIARÁN DA MAN DA POLIFACÉTICA ARTISTA RAQUEL QUEIZÁS, INVESTIGAMOS NA BIBLIOTECA SOBRE O ESCRITOR, PARTICIPAMOS NUNHA ROLDA DE PREGUNTAS, ESCRIBIMOS, EMITIMOS UN PODCAST E ATA BAILAMOS CON MOITA ILUSIÓN A CANCIÓN "TERRA", DO GRUPO TANXUGUEIRAS.
O Concello de Betanzos inicia o programa das Letras Galegas do ano 2022 co espectáculo de maxia "As nosas letras" do Mago Tetoque terá lugar o vindeiro sábado 7 de maio ás 18:00 h na Aula Municipal de Cultura Xulio Cuns dentro do programa Lingua a escena da Rede cultural da Deputación da Coruña e programa das Letras Galegas.
O Mago Teto levará a escena a recomposición das cantigas de Afonso X, descubrirá unha incrible espada enmeigada de Merlín e Familia, o espírito do mestre Castelao fará aparecer un dos seus debuxos no espectáculo, e fará unha adiviñación semántica con obras de Risco, Rosalía e Blanco Amor.
O espectáculo está destinado para público familiar e a entrada é gratuíta por orde de chegada e ata completar a capacidade, a súa duración son 55 minutos e poden asistir ata dúas persoas adultas con cada neno ou nena.
O vindeiro 1 de maio é o día da Nai e neste VENRES DE HISTORIAS queremos homenaxear a todas as nais das vosas nais e pais: AS AVOAS coa curtametraxe titulada "MI ABUELITA" dirixida por Giselle Perez.
Con elas, co seu apoio, traballo, compaña, coidados, sorisos, comidas... a vida é mais doada, divertida e saborosa.
DESPOIS DE VISITAR A BIBLIOTECA E VER A BIBLOFEIRA QUE PREPARAMOS PARA CELEBRAR O DÍA MUNDIAL DO LIBRO E DOS DEREITOS DE AUTORÍA, MOITOS DE VÓS LEVÁCHEDES UN LIBRO E DESPOIS TIVÉCHEDES MOITO QUE DICIR SOBRE QUE É PARA CADA UN DE VÓS UN LIBRO.
Mañá, sábado 23 de abril, celébrase o DÍA INTERNACIONAL DO LIBRO polo que neste VENRES DE HISTORIAS, compartimos con todos vós esta fermosa historia.
Esta curta creouse coma parte dun proxecto de SKETCHTRAVEL, un proxecto benéfico internacional no que se distribuiu un caderno de bocetos vermello a 71 artistas de todo o mundo durante 4 anos e medio. O SKETCHBOOK orixinal vendeuse por 70.000 euros que se destinaron a construción de bibliotecas para apoiar a alfabetización de nenas e nenos.
O mes de abril é moi especial porque nel se dan dúas celebracións . O día 2 foi oDía Internacional do Libro Infantile o día 23 será o Día Mundial do Libro e dos dereitos de Autoría.
Para celebralo, tendes á vosa disposición os libros que a ANPA do cole mercou para a biblioteca.
MOITÍSIMAS GRAZAS FAMILIAS !
Lembrade que tamén celebramos o Día do libro e dos dereitos de autoría e que debemos respetalos. No seguinte vídeo volo explican brevemente.
Comezamos mes amosándovos as exposicións dos últimos días de marzo. Tendes unha chea de libros de teatro, música e poesía para escoller. Cal ides levar?
Este VENRES DE HISTORIAS compartimos dúas curtas SEN PALABRAS, para que vós llas poñades. MATINADE, MATINADE...
JE SUIS UN CAILLOU (EU SON UNHA PEDRA)
Creado por Mélanie BERTERAUT-PLATON, Yasmine BRESSON, Léo COULOMBIER, Nicolas GRONDIN, Maxime LE CHAPELAIN, Louise MASSÉ. Música: Sacha COULOMBIERr. Son: José VICENTE, Tristan Le BOZEC, Yoann PONCET
Este VENRES DE HISTORIAS asomáremonos a unha nova versión do conto da Ratiña Presumida de Charles Perrault da man de Emna e Alejandra de 6º E. Elas achégannos ÉRANSE DÚAS VECES A RATIÑAPRESUMIDA de Pablo Macías Alba, Belén Gaudes Terra, Nacho de Marcos Escriña (ilustrador) e ADAPTA (traductor).
PARABÉNS polo voso traballo e grazas porcompartir HISTORIAS con todos.
A BIBLIOFEIRA deste 16 de marzo vai adicado a todas as FAMILIAS: diversas e únicas, cos seus problemas e as súas alegrías, pero que son o núcleo da nosa sociedade e, en especial, a unha figura que forma parte delas, dunha maneira ou otra, o PAI,
AS RAPAZAS E RAPACES DE INFANTIL TIVERON A SORTE DE CONTAR COA PRESENZA DE RAQUEL QUEIZÁS. ELA PRESENTOU O SEU ESPECTÁCULO "SOMOS IGUAIS. CONTOS POLA IGUALDADE".
As nenas e nenos de 1º gozaron coa narración da historia, escrita por HEMATOCRÍTICO, VAIA CABUXIÑO!, da man de BENJAMÍN, que ademáis os agasallou cunha ilustración personalizada.
Coma sempre, atoparedes o libro na nosa BIBLIOTECA!!
HOXE ESTAMOS DE FESTA PORQUE CELEBRAMOS O DÍA INTERNACIONAL DA MULLER. EN REALIDADE, XA LEVAMOS VARIOS DÍAS FESTEXÁNDOO E, SE VOS ANIMADES, PODEDES USAR O PHOTOCALL QUE HAI NA ENTRADA DO COLEXIO. DE SEGURO QUE VOS GUSTARÁ MOITO !!!
E NON SÓ O CELEBRAMOS NÓS! FAISE EN TODO O MUNDO E, DE FEITO, AQUÍ EN BETANZOS, XA HAI PROGRAMADAS UNHA CHEA DE ACTIVIDADES
NA BIBLIOTECA , DENDE PRINCIPIOS DE MES, PODEDES CONSULTAR A BIBLOFEIRA:
ADEMAIS OS VOSOS COMPAÑEIROS DE 5º ESTREÁRONSE COMO VERDADEIROS LOCUTORES E TÉCNICOS DE RADIO ENTREVISTANDO Á ALCALDESA. CAL É A MULLER QUE MÁIS INFLUIU NELA? QUEREDES VELO?
A Asociación de Comerciantes e Empresarios de Betanzos, Centro Comercial Aberto (ACEBE CCA) convoca un concurso de redacción para nenos e nenas que teñan entre 6 e 12 anos. Animádevos a participar e non esquezades remitir os vosos escritos co lema
Cada 8 de marzo conmemórase o Día Internacional da Muller. Leo e Mariña convídanvos a reflexionar acerca dos avances logrados e, por iso, preparamos unha Biblofeira cunha chea de libros que nos contan a historia de mulleres valentes que, coa súa determinación, xogaron un papel clave na historia dos seus países e comunidades.
Moitas mulleres non viven unha vida digna, libre e lonxe da violencia. Ter acceso á educación e a un traballo xustamente remunerado e en condicións de igualdade é unha ferramenta indispensable para avanzar cara ao éxito da sociedade.
A Fundación Rosalía de Castro convocou a diversas entidades culturais e educativas relacionadas co Día de Rosalía para acordaren que as celebracións deste aniversario pasen a ter lugar desde este 2022 o día 23 de febreiro e non o 24 como acontecía ata agora, logo do recente descubrimento por parte da investigadora Sagrario Abelleira que corrixiu a data de nacemento da autora.
Escoitamos o poema de Rosalía"Algúns din: miña terra!"
Vídeo. Rosalía de Castro. "Algúns din: ¡miña terra!". Follas novas. Marina Mayoral. Biblioteca de autora Rosalía de Castro. Biblioteca Virtual Miguel de Cervantes.
VISITA VIRTUAL Á CASA DE ROSALÍA
A visita virtual, que está operativa desde o 8 de xullo na páxina web da Casa de Rosalía, permite visitar a Casa-Museo e a Horta de Rosalía en 3D. Entramos ?
Se vos apetece xogar , acceder á biografía de Rosalía e facer algunha actividade relacionada con ela, non tendes máis que visitar o Blogue Non te cortes coa lingua , no seguinte enlace: