VENRES DE HISTORIAS

COMEZAMOS ESTE 2026 CON MOITA ILUSIÓN PORQUE ESTAMOS CERTOS DE QUE IMOS  ENCHER OS RECREOS DOS VENRES  DE FANTÁSTICAS HISTORIAS E DE BOÍSIMA MÚSICA EN DIRECTO,  DA MAN DOS MELLORES CONTACONTOS E ARTISTAS DO COLEXIO ! 

Biblioteca de Leo e Mariña

🎬🎬"El día más corto" [ED+C]🎬🎬

Ola, amigas e amigos!

Hoxe Leo e Mariña veñen moi emocionados porque queren contarvos algo moi especial…

Sabíades que o 21 de decembro é o día máis curto do ano?
Pois ademais de comezar o inverno ❄️, ese día celébrase a 13ª edición de El Día Más Corto [ED+C], unha gran festa do cinema en formato curto 🎥

Leo descubriuno mentres ordenaba uns libros de cine na biblioteca:
—«Mariña, sabías que hai películas moi curtiñas que contan historias incríbles en poucos minutos?»

Mariña sorriu e respondeu:
—«Si! Chámanse curtametraxes, e son perfectas para soñar, rir, pensar e emocionarnos, aínda que duren moi pouco.»

Que é "El Día Más Corto" [ED+C]?
É un día no que persoas de todo o mundo ven e comparten curtametraxes en escolas, bibliotecas e centros culturais. Hai historias divertidas, emocionantes, sorprendentes… ¡e para todas as idades!

A Leo e Mariña gústalles esta celebración porque:

• As historias son breves pero moi intensas.

• Axúdannos a imaxinar e crear.

• Permiten falar do que sentimos e pensamos.

• Demostran que non fai falta moito tempo para contar algo importante.

Desde a nosa biblioteca, Leo e Mariña anímannos a descubrir o mundo das curtametraxes, a comentalas cos compañeiros e compañeiras… e incluso a inventar as nosas propias historias curtas!

Tedes máis información sobre este proxecto no seguinte enlace: El día más corto - [ED+C] 2025

Seguide atentos ao blogue, porque Leo e Mariña sempre teñen preparada algunha sorpresa cultural para compartir convosco 🌟

HISTORIAS QUE ABRAZAN A DIVERSIDADE

Hoxe conmemoramos o Día Internacional das Persoas con Discapacidade, unha ocasión perfecta para aprender, reflexionar e cultivar a empatía. Dende a nosa biblioteca queremos acercar a toda a comunidade educativa a historias que mostran que todas as persoas, coas súas capacidades e diferenzas, poden aportar algo valioso ao mundo. 

A literatura é unha ventá marabillosa para comprender mellor a diversidade e fomentar o respecto hacia todas as persoas dende a infancia.

Cada conto é unha voz distinta e todas merecen ser escoitadas. Por iso, non só celebramos a diversidade e a discapacidade nun día concreto, senón que as temos presentes todo o ano. Os libros que falan de distintas formas de sentir, de aprender, de moverse, de comunicarse... axudan a comprender que non hai unha única forma de ser. Ler estas historias axudan ao alumnado a descubrir que as diferenzas non separan, senón que enriquecen as nosas vidas.

"CADA LIBRO É UNHA OPORTUNIDADE PARA RECORDAR QUE A INCLUSIÓN COMEZA CADA DÍA, EN CADA MIRADA E EN CADA PÁXINA".

    

           

✨LECTURAS QUE SEMENTAN IGUALDADE✨

 

Esta semana comezamos unha nova quenda de rotación de LECTURAS COMPARTIDAS na nosa biblioteca de primaria. O alumnado (maiores e pequenos) encherán a nosa biblioteca de contos, ilustracións e momentos compartidos arredor dos libros.

Aquí podedes ver as quendas asignadas a cada aula.

Coincidindo coa semana do 25N, lanzamos unha proposta de actividade titulada "Lecturas que sementan igualdade", pensada para traballar, a través da lectura, valores como a amizade, o respecto, a a axuda e o bo trato entre as persoas.

Nesta sesión, cada parella lectora escollerá un álbum ilustrado, leerao de forma conxunta e despois cubrirá unha ficha de reflexión na que identificará condutas correctas e incorrectas que apareceron na historia, momentos nos que a axuda ou o respecto son importantes, e o que poden aprender dese conto para tratar mellor ás persoas. Finalmente, debuxarán "A escena do bo trato", é dicir, un momento bonito do álbum ilustrado no que apareza reflectida a igualdade, o respecto e a amizade, e escollerán tamén unha palabra positiva que aprenderon con esta historia como peche da actividade.

💜 Cada lectura compartida sementa un pouquiño máis de igualdade 💜

GUÍA PARA O PROFESORADO

FICHA PARA O ALUMANDO

✨LECTURAS COMPARTIDAS✨

Esta semana iniciamos unha das actividades máis fermosas da biblioteca de Leo e Mariña: as Lecturas compartidas, un encontro entre o alumnado dos cursos maiores e os máis pequenos no que comparten tempo, emocións e historias. Trátase dunha actividade inter-nivelar que fomenta o gusto pola lectura, a convivencia e a expresión artística dentro do noso proxecto PDI “ARTISTADAS”.

Dende o equipo de biblioteca escolar trasladamos a seguinte proposta para esta primeira sesión:
📖 as parellas lectoras asinarán o seu contrato lector,

📚 elixirán e lerán o primeiro conto que compartirán este curso,

📖 rexistrarán o seu primeiro libro no seu contrato lector,

🎨 e decorarán un marcapáxinas artístico.

Dende a biblioteca lembramos que esta é só unha suxestión de proposta, e que cada docente pode adaptar a sesión libremente segundo o seu grupo, intereses e dinámica de aula.

Porque... 💫 cada lectura compartida é unha obra de arte.

Arquivos de interese:

• Quendas de lecturas compartidas (semanal).
• Quendas de lecturas compartidas (anual).
• Contrato lector.
• PROPOSTA PARA A PRIMEIRA SESIÓN: Instrucións para o profesorado.
• Marcapáxinas.

✨📖Recomendacións Lectoras📖✨

 

O noso centro segue a colaborar co xornal Betanzos e a súa comarca, enviando cada mes as recomendacións lectoras elaboradas polo noso alumnado. Trátase dunha iniciativa que pretende fomentar o gusto pola lectura, dándolle voz aos nenos e nenas para que compartan os seus libros favoritos co resto da comunidade.

Neste mes de novembro, o xornal publicou tres das nosas recomendacións, nas que o alumnado nos fala con entusiasmo das súas lecturas preferidas.

Aquí vos deixamos as imaxes das publicacións para que poidades gozar delas e, quen sabe, quizais atopar a vosa próxima lectura inspiradora! 

Enlace ao xornal: Mes de Novembro

CALENDARTE

 

 Arrinca o noso primeiro reto do PDI ARTISTADAS: chega o  

🗓️CALENDARTE!🎨

No noso centro educativo xa nos puxemos mans á obra co primeiro gran reto do proxecto documental integrado deste curso, o PDI ARTISTADAS, que xirará arredor do mundo da arte.

Para comezar a nosa aventura creativa, Leo e Mariña propóñennos unha misión moi especial: dar vida a un calendario cheo de cor, imaxinación e arte. Así nace o noso CALENDARTE.

💫 En CALENDARTE, cada mes convértese nunha obra de arte e cada aula nun pequeno taller creativo onde o tempo se pinta de cor!

🔬🔬Mes da Ciencia en Galego na Biblioteca🔬🔬

 Ola, amiguiñas e amiguiños!

Somos Leo e Mariña e queremos contarvos un segredo…
Este mes a nosa biblioteca está chea de ciencia en galego e de cousas sorprendentes por descubrir.

Nós xa estivemos investigando polos andeis e atopamos libros que falan do espazo, dos animais, do corpo humano, dos inventos, da natureza e de experimentos moi curiosos. Algúns fan rir, outros fan pensar… e todos nos axudan a aprender algo novo.

Sabíades que a ciencia tamén se pode ler?

Cada libro agocha preguntas interesantes:

• Por que brillan as estrelas?

• Como funciona o noso corpo?

• Que inventos cambiaron o mundo?

• Que segredos esconde a natureza?

Durante o Mes da Ciencia en Galego queremos convidarvos a vir á biblioteca, coller un libro de ciencia e deixar voar a vosa curiosidade. Non importa a idade: sempre hai algo novo por descubrir.

✨ Ler ciencia en galego axúdanos a aprender, a pensar e a facer preguntas.
✨ A biblioteca é o mellor laboratorio para investigar con calma.
✨ E a curiosidade… é o mellor motor para aprender!

Esperámosvos na biblioteca para investigar xuntos/as e descubrir moitas cousas novas! 

24 de outubro: Día das Bibliotecas

Cada 24 de outubro celebramos o Día das Bibliotecas.

Este ano o lema é “Contra a desinformación: bibliotecas”, e lembra a importancia das bibliotecas como lugares onde podemos atopar información verdadeira e aprender a buscar fontes fiables.

As bibliotecas escolares son espazos cheos de vida, de historias e de aprendizaxes. Grazas a elas, aprendemos a ler, a investigar, a crear e a pensar por nós mesmos.

As bibliotecas son lugares abertos a toda a comunidade educativa, nos que todos e todas temos un papel importante.

🎨 E na nosa biblioteca… 

Este ano, na nosa biblioteca do CEIP Vales Villamarín, aproveitamos esta data tan especial para presentar o noso Proxecto Documental Integrado:

“ARTISTADAS”

Para dar comezo á aventura, o noso alumnado hoxe recibiu unha carta moi especial:

 

👻🎃 O Samaín chega á nosa biblioteca! 🎃👻

 

🕸️Xa estamos preparados e preparadas para recibir o Samaín! 🕸️

Dende hoxe e ata o día 30 de outubro, podedes visitar a nosa exposición especial de libros de medo, misterios e pantasmas.

Entre as estanterías agochados hai contos cheos de bruxas, monstros, fantasmas e seres sorprendentes… pero tamén moitas risas e diversión! 😄🕷️

📖 Anímate a vir pola biblio, escolle un libro que che poña os pelos de punta (ou che faga rir coas súas trasnadas) e goza dun intre de lectura arrepiantemente divertida.

E lembra:

💡 No Samaín tamén se le... e dá moito medo non facelo!

  

    

  

    

  

 

  

  

  

  

 

Non te esquezas de pasar pola biblioteca… 

se te atreves! 😜