Unha lingua, mil historias: viva a lingua galega!

Cada 17 de maio, a nosa biblioteca énchese de palabras, memoria e identidade para celebrar o Día das Letras Galegas, unha data moi especial que rende homenaxe á nosa lingua e ás persoas que a fixeron medrar a través da literatura.

É o día idóneo para lembrar a publicación de Cantares Gallegos de Rosalía de Castro en 1863, unha obra fundamental que marcou o rexurdimento da literatura en galego e que seque a emocionarnos coa súa defensa da cultura, da terra e da voz do pobo. Rosalía converteu o galego nunha lingua literaria chea de forza e beleza.

Neste 2026, a protagonista é Begoña Caamaño. Escritora, periodista e activista feminina galega, é unha persoa moi importante da cultura galega contemporánea. Porque ler en galego é manter viva a nosa historia e, cada páxina que abrimos, é unha nova forma de celebrala! Achégate á biblioteca e selecciona a historia que máis che guste, tes variedade para escoller!

Para 1º de primaria...

  

Para 2º de primaria...

Para 3º de primaria...

Para 4º de primaria...

 

Para 5º de primaria...

Para 6º de primaria...

FELIZ DÍA DAS LETRAS GALEGAS!

Venres de Historias

 

Copia de Venres de Historias de bibliotecavales

Día do Libro: viaxa sen saír da biblioteca.

Hoxe, 23 de abril, celebramos o Día do Libro, unha data moi especial para a nosa biblioteca e para todas as persoas que gozan coa lectura. Desde a nosa biblioteca queremos convidarvos a todos e a todas a formar parte desta festa de palabras, de historia e de imaxinación.

A biblioteca é un espazo aberto a todo o mundo, un lugar de encontro onde pequenos e maiores poden descubrir novos mundos, aprender cousas sorprendentes e deixar voar a súa imaxinación. Non só atoparás libros, senón tamén un lugar tranquilo para ler, aprender e compartir bos momentos con outras persoas. 

Que podes atopar na nosa biblioteca?

LIBROS DE AVENTURAS

LIBROS DE FANTASÍA

LIBROS DE MISTERIO

LIBROS DE HUMOR

LIBROS DE CIENCIA E NATUREZA

    

CONTOS CLÁSICOS

Achégate á biblioteca e comeza a túa próxima historia!

 

DÍA MUNDIAL DO LIBRO E DO DEREITO DE AUTOR

Hoxe celebramos o Día Mundial do Libro e do Dereito  de Autor facendo nosas as palabras da xornalista e  escritora Eva Mejuto 

"... porque cando lemos 

todo é posible,

sobre todo o imposible".

Por iso,  queremos que vexades as "Artistadas" que fixeron os compañeiros de 4ºB sobre unha das coleccións que estiveron a ler na clase, Vinte mil leguas de viaxe submarino, e facémolo así porque, sen dúbida, o seu autor, Julio Verne, fainos crer sempre tanto no posible como no imposible.

Biblioteca de Leo e Mariña. Artistadas de 4ºB

Lecturas para unha vida sa.

Hoxe é o Día Mundial da Saúde, unha data perfecta para lembrar que estar sans non é só non estar enfermos, senón sentirnos ben por dentro e por fóra. Comer ben, facer exercicio, descansar o suficiente e coidar as nosas emocións axúdanos a medrar sans e felices. 

Na biblioteca, temos varios exemplares para concienciar ao alumnado sobre a importancia de coidar a nosa saúde.

O doctor Guau é un can que actúa como médico dunha familia de malos hábitos, ensinando aos nenos e nenas consellos básicos de hixiene e coidado persoal, como lavar as mans, alimentarse ben... dun xeito divertido e con humor.

Berto é un neno que observa o que ocorre ao seu redor e comeza a tomar decisións máis saudables, como coidar o seu corpo, escoitar aos demais e adoptar bos hábitos. 

Pepiño Chispa vai descubrindo, coa axuda dos Bolechas,como comportarse mellor e como coidar aspectos importantes do seu día a día, como a saúde, a convivencia ou a educación. 

Non é unha historia como tal, senón unha guía con explicacións, exemplos e actividades sobre diferentes valores e hábitos, incluindo a hixiene e o coidado persoal.

Explica, dun xeito divertido e con moitos debuxos, como se lavaban as persoas en diferentes épocas da historia, que costumbres tiñan e como xurdiron inventos importantes como o retrete, o cepillo de dentes ou o xabón. Conciencia sobre a importancia de manter unha boa hixiene, pois é clave para ter unha boa saúde, para vivir mellor e para vivir máis tempo. Ademais, conta curiosidades sorprendentes!

8M: supermulleres de conto.

Cada 8 de marzo se conmemora o Día Internacional da Muller, unha data para lembrar a loita das mulleres pola igualdade de dereitos, pola xustiza e por unha sociedade máis equitativa. 

Hoxe é un día para recoñecer o papel fundamental das mulleres na historia, na ciencia, na cultura e no día a día. 

Dende a biblioteca escolar convidámosvos a descubrir historias inspiradoras de mulleres valentes que cambiaron o mundo.

En galego:

En castelán:

        

Rosalía de Castro: a voz que deu alma á lingua galega.

Rosalía de Castro é unha das figuras máis importantes da literatura galega e un símbolo esencial da nosa identidade cultural. Coa súa obra, abriu camiños nun tempo no que escribir en galego era un acto de valentía e compromiso. A través dos seus versos, Rosalía deu voz á morriña, á emigración, á inxustiza social e, sobre todo, ao sentir profundo dun pobo que loitaba por non desaparecer. Ler a Rosalía é achegarse á esencia de Galicia, ás súas paisaxes, ás súas dores e ás súas esperanzas, que seguen vivas aínda hoxe.

A poesía é, sen dúbida, o xénero máis coñecido de Rosalía. Algunhas das obras máis coñecidas son:

Outros exemplares cos que contamos na biblioteca son:

"Rosalía de Castro para nenos", que inclúe unha breve biografía con ilustracións e datos clave sobre a súa vida.

"Uxía, Rosalía pequeniña", que conta a historia ficticia baseada na figura de Rosalía de Castro, mesturando realidade e imaxinación.

                                             

E moitos outros libros que permiten aos lectores e ás lectoras aproximarse un pouquiño máis á vida de Rosalía de Castro:

VENRES DE HISTORIAS CON PANDERETEIRAS E BOAS SENSACIÓNS

Celebramos o Entroido pequeno disfrazados ao noso gusto, con boa música a cargo das Pandereteiras do Vales e con dúas historias cargadas de emocións e bos sentimentos. Disfrutémolo !!!

Venres de historias 20 de febreiro de Biblioteca Vales

VENRES DE HISTORIAS

Venres de Historias 6 de febreiro de Biblioteca Vales

O Día da Paz tamén se le.

Hoxe, 30 de xaneiro, conmemoramos o Día da Non Violencia e da Paz, unha data especial para reflexionar sobre valores como o respecto, a igualdade e a convivencia. Dende a biblioteca, propoñemos unha selección de libros que axudan a educar en paz, a comprender as diferenzas e a construír un mundo máis xusto.

Aquí deixamos algúns libros para concienciar e reflexionar sobre a importancia da paz no noso día a día: