PRESENTACIÓN. A PANTASMA COLORIDA

O venres, 31 de marzo, tivemos a visita na biblioteca das autoras do libro A PANTASMA COLORIDA, Gema García e Rocío Pedreira. 

Compartiron con nós unha mañá, na que visitaron ás rapazas e rapaces de Educación Infantil e de 1º de Primaria.

Da súa man coñecimos a unha pantasma moi especial. Se vós a queredes coñecer visitade a biblioteca, alí a atoparedes.

A pantasma colorida de bibliotecavales

VISITA DE LEDICIA COSTAS

 O día 12 de decembro tivemos a sorte de contar coa visita da escritora galega LEDICIA COSTAS.

 Foi unha visita breve, na que pasou pola nosa RADIO onde nenas e nenos de 4º a entrevistaron baixo a dirección técnica dunha compañeira de 6º.

Nunha sala de Usos Múltiples repleta, atendeu ás preguntas que os rapaces e rapazas de 4º lle fixeron sobre a súa profesión de escritora e o seu libro ESCARLATINA, A COCIÑEIRA DEFUNTA.

GRAZAS POR COMPARTIR UN RATIÑO CON NÓS!!

RAQUEL QUEIZÁS HOMENAXEA A XELA ARIAS

 

RAQUEL QUEIZÁS NA BIBLIOTECA

Co gallo da celebración do Día Internacional da Lingua materna visitounos Raquel Queizás cun espectáculo cheo de imaxinación, divertido e educativo.
Contounos varias lendas galegas, con mouros, mouras, nubeiros e uns cantos seres máxicos da nosa terra. Falounos dos petróglifos, da nosa lingua e outros tesouros que son de todos/as os/as galegos/as e, sobre todo, de IGUALDADE.

Coma sempre, magnífica, Raquel, grazas.

Raquel Queizás

O pasado martes, tivemos a sorte de escoitar a Raquel Queizás na nosa biblio. Contounos historias de  cando Antón Fraguas (Letras Galegas 2019) era neno. O alumnado de primeiro pasárono xenial.

DÍA DA LINGUA MATERNA

Para conmemorar o día da Lingua Materna, grazas ó Concello de Betanzos, tivemos a inmensa sorte de contar coa gran contadora de historias Raquel Queizás. Quen a pesar da súa escordadura, que lle impedía moverse, foi quen de guiar polo mundo máxico da fantasía e das historias os nosos grupos de 3º de Primaria co seu relato de Travesías. Aventuras de libro.

DÍA DO LIBRO CON RAQUEL QUEIZÁS

Para celebrar o día do Libro contamos coa visita de Raquel Queizás que, con Ruta Propia, achegounos a figura de Mª Victoria Moreno, autora homenaxeada este ano o día das Letras Galegas.

Un pracer, coma sempre, e un luxo a súa presenza na nosa biblioteca grazas o servicio de Normalización Lingüística do Concello de Betanzos.

Visita de Raquel Queizás

Un ano máis Raquel Queizás visitou a biblioteca para deleitarnos cun dos seus espectáculos, este ano contounos o conto de Carlos Casares, A galiña azul.



Grazas ao Concello de Betanzos por facer posible esta actividade.

VISITA DE FRAN ALONSO

FRAN ALONSO

Neste mes de marzo recibiremos no colexio a visita do escritor Fran Alonso. 

Para ir coñecéndoo un pouquiño máis remexede por aquí.

VISITA DE LEDICIA COSTAS

O pasado mércores, 25 de xaneiro, contamos, de novo,  coa visita da escritora Ledicia Costas, autora de "Escarlatina, a cociñeira defunta" libro que desfrutaron e seguen a desfrutar os nenos de 5º e 6º do colexio.

Recentemente a autora publicou a precuela "Esmeraldina, a pequena defunta" do que xa dispoñemos de 26 exemplares para que todos os alumnos poidan coñecer a  Escarlatina antes de morrer e como foi aprendendo a ser unha pantasma.

Na visita os nenos fóron descubrindo a infancia da escritora, o seu gusto pola lectura e escritura dende xa ben nova, aventuras do seu gato e a súa avoa... e tamén moitas curiosidades sobre o libro de Escarlatina.

Unha visita moi amena que deixou a todos con gañas de seguir adentrándonos no fantástico mundo do Alén.

Visita de Ledicia Costas

Os nenos e nenas de 5º E fannos chegar as súas experiencias coa lectura do libro Escarlatina, a cociñeira defunta e tamén sobre a visita que fixo a autora ao noso colexio.

Visita de Charo Anido

Charo forma parte da nosa comunidade educativa, é a nai dunha alumna de sexto. É, ademais, pedagoga e logopeda. Aínda que nestes momentos non está traballando nestas profesións tivo no pasado ocasión de estar con nenos e nenas de tódalas idades, axundádonlles naquelas cousas que lles costaban un pouquiño.
Ela contounos que sempre lle gustou moito ler e escribir. Dende moi pequena lía todo o que tiña por diante, e a partires dos catorce anos empezou a escribir. Escribe, sobre todo, poemas e relatos curtos.
Visitou a nosa biblioteca para presentarlle ao alumnado de sexto o conto que acaba de escribir: Hai unha carta para Wael.

Así o viron os nenos e nenas de 6º D:

Encontro con Tucho Calvo

Para celebrar o Día do Libro, Tucho Calvo visitounos e mantivo un encontro moi interesante co alumnado de 3º.