UN NOVO CURSO

Estamos de volta, un curso máis comeza a súa andaina.

Leo estivo a traballar moi duro para ter todo listo.

Comezaron a chegar ás aulas as primeiras Caixas viaxeiras. Este curso saen 29!!. 

As Mochilas Viaxeiras, para 2º e 3º, son un total de 20! e a vindeira semana comezarán As Lecturas Compartidas.

Agardamos que o disfrutedes!!

Pd. din que apareceu un tesouro!!

EXPOSICIÓN DESCUBRINDO AS CORES DO MUNDO. UNHA VIAXE EN GLOBO

A vindeira semana dará comezo a exposición "Descubrindo as cores do mundo. Unha viaxe en globo" na que participarán todo o alumnado de Educación Infantil e Primaria do Colexio e das unitarias adscritas de Coirós. Máis de 1000 nenos e nenas que, ó longo dunha semana, irán descubrindo o traballo feito polos compañeiros sobre Nubaris, Exipto, Italia, Brasil, Betanzos, Venezuela, China, Marrocos, Perú e EEUU para  axudar a Leo a preparar a súa viaxe en globo por todos eses lugares do mundo.

Ó longo de todo o curso investigaron sobre os países e toda esa información plasmarase nos corredores de cada nivel e resumirase nun tríptico.

Todas os cursos visitarán todos os países e  serán guiados polos alumnos do nivel correspondente.

Esta actividade desenvolveráse ó longo de 5 días da seguinte forma:

Día – cursos que guían 9:15 a 10:45	Luns – E 29 de maio	Xoves – D 1 de xuño	Venres– B 2 de xuño	Luns – A 5 de xuño	Martes – C 6 de xuño
Cursos que visitan	1ºB	1ºA	1ºC	1ºD	1ºE
Cursos que visitan	2ºB	2ºA	2ºC	2ºD	2ºE
Cursos que visitan	3ºB	3ºA	3ºC	3ºD	3ºE
Cursos que visitan	4ºB	4ºA	4ºC	4ºD	4ºE
Cursos que visitan	5ºB	5ºA	5ºC	5ºD	5ºE
Cursos que visitan	6ºB	6ºA	6ºC	6ºD	6ºE
Cursos que visitan	5 ANOS	5 ANOS	5 ANOS	5 ANOS	4 ANOS
Cursos que visitan	4 ANOS	4 ANOS	4 ANOS	5 ANOS	COIROS
Cursos que visitan	3 ANOS	3 ANOS	3 ANOS	3 ANOS

BIBLIOPATIO

Dende hoxe, 3 de maio, e grazas a un acordo entre Leo e Mero, todos poderedes disfrutar dun recuncho de lectura no patio de primaria.

Neste recuncho atoparedes unha caixa chea de libros e revistas para disfrutar do pracer de ler ó aire libre. Os libros non están dispoñibles en préstamo e hai que devolvelos á caixa o remate do recreo. Todos levan un debuxo de Mero e Leo para que sexan doados de identificar.

Animádeos a descubrilo!!

Construímos igualdade

Queremos construir igualdade porque todos somos iguais, nenas, nenos, homes, mulleres, todos somos persoas.
Libros, películas, cancións, a arte, en xeral, apréndennos a vida.
Nesta recopilación mostramos aqueles que máis nos gustan porque nos fan reflexionar sobre a igualdade de xénero e o papel de cada persoa na sociedade.

(Premede na imaxe e veredes o noso poster intercativo)

3 DE DECEMBRO. APRENDENDO XUNTOS

As nenas e nenos de 2º descubrimos e tivemos o pracer de coñecer a grandes persoeiros  relacionadas con esta data. 

Coma nós investigamos sobre Betanzos, aquí moi preto, na Coruña os atopamos. Son os rapaces e rapazas do CEE Nuestra Señora de Lourdes.

Canto nos aprenderon sen tocar  nin un libro, nin un lapis, nin unha ficha.

Mirade a súa visita e..... se queredes ter o pracer de coñecelos, estade atentos porque voltarán a visitarnos.

APRENDENDO XUNTOS. 3 DE DECEMBRO on PhotoPeach

FORMACIÓN DE USUARIOS

Dende o 17 de outubro ata o 4 de novembro estanse a realizar na biblioteca as sesións de formación de usuarios para o alumnado de primaria.

Nas sesións, coa colaboracións dos titores, lémbranse as normas e funcionamento da biblioteca, fanse actividades de búsqueda de libros e búsqueda de información e, por último, faise entrega dos carnés.

Un traballo co que se pretende atraer os nenos á biblioteca e aprenderlles a manexarse e facer un bo uso dela.

BIBLIOTECA EN INFANTIL

Xa está listo o novo espazo da biblioteca no aulario de Educación Infantil. 

A Fada Mariña ten agora un lugar ben bonito para contarlle historias ós peques do cole. 

COMEZAMOS!!

Leo e Mariña danvos a benvida un curso máis.

Este ano teñen pensado vivir moitas aventuras na nosa compañía. 

Por certo, a Leo sentoulle moi ben o verán, mirade que aspecto renovado loce!!.

Pronto teredes novas deles.

BENVIDA 2016

O venres 3 de xuño démoslle a benvida ós nenos e nenas de Educación Infantil, do noso colexio e das unitarias adscritas de Coirós, Ois, Areas e Viñas, que o vindeiro curso comezarán con nós a etapa de Primaria.

Coa axuda dos alumnos de 1º, que fixeron de guías, os pequenos viñeron coñecer lugares do "cole de maiores" como a cociña, o Departamento de Orientación, o pavillón, a sala de usos múltiples e a biblioteca. En cada lugar tiveron unha sorpresa.
Aquí, na biblioteca, coñeceron a Leo, a nosa mascota e disfrutaron da historia "Una montaña de amigos" de Kerstin Schoene. 

Preme na imaxe para ver as fotos

Neste libro, maravilloso, cóntase a historia dun pingüín que non podía acadar o seu soño: voar e chegar ás nubes e como, grazas ós seus amigos, o acada. Eles tamén lle axudaron facéndolle un globo aeróstatico, para que sempre que o desexe, poida voar.

DESCUBRINDO A CERVANTES E O QUIJOTE

Ó longo de dúas semanas tódolos alumnos de Primaria asistiron á nosa biblioteca para descubrir e aprender sobre Miguel de Cervantes e a súa obra Don Quijote de la Mancha
Aquí atoparon actividades  distribuídas en seis recunchos:

• Vida de Cervantes
• Personaxes do Quijote
• Pasatempos 
• Roupa e armaduras
• Cómic
• Actividades multimedia 

Tamén descubriron, tocaron, leron e ollaron todos os recursos bibliográficos que a biblioteca ten á súa disposición.
Traballaron xenial, con curiosidade, inquedanza, en equipo, con gañas de pasar a ver que atopaban noutro recuncho e as horas fixéronse curtas.
Grazas a todos por participar!!







Cervantes e o Quijote na Biblioteca on PhotoPeach

E non nos podemos esquecer de dar as grazas a todos os alumnos de 1º e as súas mestras e mestre por deixarnos o cole tan bonito.

DECORAMOS O COLE on PhotoPeach

CERVANTES E O QUIJOTE

QUIJOTE, by bibliotecavales

DINOSAURIOS

Esta semana levaranse a cabo no colexio unhas actividades sobre os dinosaurios nas que participarán os alumnos e alumnas de 1º, 2º e 4º.

Á entrada da biblioteca poderedes atopar unha pequena recompilación de todo o que temos sobre eses animais tan interesantes. 

Agardamos que a disfrutedes!!

Benvidos ao curso 2015-2016

O verán vai rematando e un novo curso comeza. As aulas énchense de actividade, o patio de xogos e ...

a biblioteca ofrécenos os seus tesouros.

Pronto chegarán as caixas viaxeiras ás aulas para que poidades descubrir un anaquiño dese tesouro. As mochilas sairán camiño dalgunhas casas.

Os colaboradores comezarán a súa actividade.

Compartiremos lecturas, recomendaremos libros uns a outros e... seguro que haberá moitas sorpresas! Estade pendentes!

Como contar ben un conto

Nas Xornadas de convivencia do Voluntariado de lectura os representantes dos colaboradores tiveron a oportunidade de aprender con Paula Carballeira a contar contos, estes son os apuntes que tomamos no taller de narración oral:

Lectura expresiva

Nas Xornadas de convivencia do Voluntariado de lectura os representantes dos colaboradores tiveron a oportunidade de aprender con Charo Pita uns cantos trucos para mellorar a lectura expresiva, estes son os apuntes que tomamos: