O PRINCIPIÑO

Unha das actividades propostas para conmemorar o día do libro foi elaborar, entre toda a comunidade educativa do colexio, un vídeo resumo do libro do "Principiño" que serviu de guía e punto de partida para o noso PDI.

Este foi o resultado.

Raquel Queizás

O pasado martes, tivemos a sorte de escoitar a Raquel Queizás na nosa biblio. Contounos historias de  cando Antón Fraguas (Letras Galegas 2019) era neno. O alumnado de primeiro pasárono xenial.

II INTERCAMBIO DE LIBROS

Xa deu comezo o II Intercambio de libros da biblioteca organizado para conmemorar o Día do libro.

Esta é unha das actividades á que se uniu a visita de Raquel Queizás para as rapazas e rapaces de 1º e a gravación conxunta do Principiño.

VENRES DE HISTORIAS

Para despedir o segundo trimestre proxectouse a curta "A Ponte" de Pixar na biblioteca de Educación Infantil.

Na biblioteca sita no edifico de Primaria, un fragmento da película "Wonder" basada no libro "La lección de August" de R. Palacio. Este libro serviu de punto de partida para traballar o  "Día Internacional das persoas con discapacidade" o 3 de decembro. 

DÍA DO LIBRO

Para conmemorar o día do Libro imos celebrar o II Intercambio de Libros. 

Poderán participar todos os rapaces e rapazas que o desexen, só deberán traer un libro en bo estado que canxearán por un vale.

O vale poderán cambialo por outro libro na semana do 23 ao 26 de abril durante o recreo.

VENRES DE HISTORIAS

Nesta semana, na bibioteca de Infantil representaron o conto "El pez arcoiris", de Marcus Pfister, e na biblioteca en Primaria, Xiana e Daniela de 5ºA, contáronnos o conto escrito e ilustrado por elas, "Los monitos" . Fixérono fenomenal!

CONTOS EN INFANTIL

Un grupo de rapaces de 6ºA visitaron a biblioteca do edificio de Infantil para lerlles o conto "LA OVEJA QUE VINO A CENAR" de Steve Smallman e Joelle Dreidemy.

VENRES DE HISTORIAS

Continuou, durante estas semanas, a actividade de Venres de Historias.

O venres, 22 de marzo, en Primaria e en Infantil representaron o  conto "Unha montaña de amigos" e en Primaria nenas de 5º A leron un conto do Principiño .

O 27 de marzo en Primaria proxectouse a curta de Pixar "Piper" e en Infantil "Paula y su cabello multicolor"

EXPOSICIÓN SOBRE POESÍA

A UTILIDADE DO INÚTIL.

Dende hai xa uns días na biblioteca teñen un lugar preferente os libros de poesía. Poden ser unha boa fonte de inspiración para participar na actividade "Poesía no Comercio", organizada polo Equipo de Dinamización da Lingua en colaboración co Concello de Betanzos ou simplemente para gozar dela.

OBRADOIROS DE LIBROS

Séguense a desenvolver os obradoiros de libros na biblioteca. Nenas e nenos, coa axuda de profes, elaboran orixinais manualidades relacionadas cos seus libros favoritos.

LAS TIJERAS DE MATISSE

Os alumnos máis maiores seguen a regalar contos polas aulas. Esta semana contaron o conto baseado na vida do pintor Matisse, "Las tijeras de Matisse" de Jeanette Winter.

POESÍA

Para  animarvos e axudarvos  a facer as propostas de poesía, que se fixeron dende o Equipo de Dinamización Lingüística, recomendámosvos estes doce libros que podedes atopar na nosa Biblioteca.

VENRES DE HISTORIAS. 15 DE MARZO

Este venres desfrutamos de grandes historias grazas a dúas curtas imprescindibles.

En Infantil, a Fada Mariña trouxo a curta "A ovella pelada" de Pixar e, en Primaria, o rato Leo compartiu a conmovedora historia de "Cuerdas" de Pedro Solís.

PARA LER XUNTOS. DÍA DOS PAIS

Á entrada da biblioteca podedes atopar uns libros para ler cos papás, pais, papis, papitos...

8 de MARZO. DÍA DA MULLER

A conmemoración do 8 do marzo exténdese no tempo. Comezamos estudando mulleres científicas, puxemos nomes de investigadoras galegas ós corredores, coñecemos a aviadoras,... e seguiremos... porque queda moito que acadar e coñecer.