Visita de Xosé Neira Vilas

O pasado día 24 de maio foi un día especial para o noso colexio: recibimos a visita do escritor Xosé Neira Vilas. O autor de Memorias dun neno labrego e Espantallo amigo explicounos a súa vinculación con Betanzos, onde xa estivo varias veces. Contestou a todas as nosas preguntas de maneira que puidemos coñecer cal foi o proceso creador das dúas obras e ademais as súas opinións sobre temas que teñen que ver con rapaces e  rapazas.
Como agasallo pola súa amabilidade mostrámoslle parte do fruto do noso traballo en forma de obras de teatro e recitado de poemas da súa muller, Anisia Miranda.
Reproducimos nestes vídeos o que foi a xornada, non quixemos recortar nada.

Ao longo do curso foron moitas as actividades que se desenvolveron arredor da súa obra.

A biblioteca nas II Xornadas de atención á diversidade

Nas recentes Xornadas de formación e sensibilización sobre a atención á diversidade que se celebraron en Betanzos, organizadas polo CFR de A Coruña, a Consellería de educación, as ANPA Brigantium e O Carregal e o CEIP Vales Villamarín, estivo presente a nosa biblioteca cunha mostra dos libros que ao longo do curso empregamos para traballar sobre a diversidade.

 

Na presentación das Xornadas, en colaboración coa biblioteca do CEIP de Oza dos Ríos, repasamos cos presentes todas as actividades desenvoltas ata aquel momento.

Visita de Ricardo Gómez

O escritor Ricardo Gómez Gil, autor, entre outras obras de Ojo de Nube, visitou a nosa biblioteca.
O encontro co autor forma parte das actividades realizadas dentro do proxecto Escribir como lectores do Club Telémaco, patrocinado pola Fundación SM e coordinado e realizado pola Asociación Española de Lectura y Escritura (AELE).

 



Festas do mundo. 2

Premede nas bandeiras para ver a información que nenas e nenos do colexio nos aportan:



Italia

Francia



Colombia

Arxentina

Cuba

México

 



Festas do mundo. 1

Presentamos os traballos de investigación realizados para coñecer como se celebran as festas (especialmente Nadal e Entroido) en diferentes lugares do mundo.




Gran Bretaña

Suecia






Irlanda

Portugal

Romanía



Suiza

Procedemos...

No noso colexio somos do máis diverso...
Somos diferentes en canto ás capacidades, ás preferencias e gustos, ao aspecto... e tamén procedemos de moi diversos lugares, védeos aquí:

Pero, recordade: IGUAIS COMA PERSOAS.

Tucho Calvo visítanos na biblioteca

Tucho Calvo, editor, periodista e escritor, visitounos para contarnos doutro xeito o libro Paxaro de mar e vento. Reuniuse co alumnado de 2º de E.P.

 

Tucho é, ademáis, autor dos libros para nenos A castaña que chegou a árbore e Gatipedro.

Encontro con Xabier López

No curso 2011-2012 o escritor Xabier López López visitou a nosa bilioteca para falarnos da súa obra e do seu traballo. Naquel momento leunos, en primicia, un conto que acababa de escribir e ía entregar á editorial para que llo publicaran; agora, en marzo de 2013, o libro víu a luz e puidemos comprobar como se transformaron nun fermoso libro os folios que el nos mostrou.

Xabier acudíu de novo á biblioteca para contarnos como fora o proceso e falarnos do que está a facer.

 

Xabier López López é autor, entre outras obras, dos contos A vella quenlla perdeu os dentes e Son un can!

Libros, libros, libros ...

Alumnos e profesores reflexionamos sobre o que significan para nós os LIBROS e plasmamos as nosas ideas en caligramas, comentarios, acrósticos, historias, ...
Aquí podedes ver una pequena mostra:

23 de abril. Día Mundial do Libro

Como todos os anos o 23 de abril conmemoramos o Día Mundial do Libro.
Este ano a escritora, narradora oral e actriz Paula Carballeira agasallou ás Bibliotecas escolares de Galicia este texto que seguramente nos fará pensar un pouco sobre a nosa relación cos libros, que vos parece?

Libros nos libros

Na biblioteca podedes atopar unha exposición de libros que narran historias nas que os protagonistas son os propios libros. Aquí tedes unha pequena mostra:

Libros nos libros

Publish at Calameo or read more publications.

Feliz Día do Libro!!

2 de abril. Día Internacional do libro infantil

Dende o ano 1967 vense conmemorando o Día Internacional do Libro Infantil, coincidindo coa data de nacemento do escritor danés HANS CHRISTIAN ANDERSEN, autor, entre outros contos, de O parruliño feo, A sireniña, A pequena vendedora de mixtos, O traxe novo do emperador.

Mensaxe do Día Internacional do Libro Infantil

 

Lemos xuntos, ti e eu.
Vemos que as letras forman palabras
e as palabras convértense en libros
que estreitamos nas nosas mans.
 

Oímos murmurios
e ríos buliciosos nas súas páxinas,
osos que cantan
graciosas melodías á lúa.
 

Entramos en misteriosos castelos
e das nosas mans soben ata as nubes
árbores florecidas. Vemos nenas valentes que voan
e nenos que atrapan as estrelas.
 

Lemos xuntos. Ti e eu, dando voltas e voltas,
percorrendo o mundo coa alegría nos libros.
 

Poema de Pat Mora
Tradución: Concha Blanco

 

 

Escoita esta bonita canción do grupo Mamá Cabra, que se titula Con só leres un libro.

 

RAP da biblioteca

Despois dun bo traballo do alumnado de 5º e 6º, dos seus titores e titoras e do profesor de música temos estes dous rap da biblioteca:

Día da Muller traballadora. Mulleres na pintura

Neste enlace podes acceder a un mini-libro para "auto-fabricar" co que poderás saber máis sobre o Día da Muller Traballadora.

DÍA DE ROSALÍA

O pasado 22 de febreiro a Asociación cultural Eira Vella organizou unha homenaxe á nosa poetisa Rosalía de Castro, co gallo da celebración do Día de Rosalía.
Dende a biblioteca colaboramos na  organización do acto e o noso alumnado participou no recitado de poemas, a maioría da súa obra Cantares Gallegos, da que se conmemoran os 150 anos da publicación.
Comezou o acto cunha narración de Dores Cao, profesora do IES As Mariñas, que contou a vida de Rosalía, en primeira persoa:

(Se premes nas fotos verás os vídeos)

 

A continuación o alumnado do centro recitou os poemas:

(Preme nas fotos para ver os vídeos)