Comezamos o curso

Benvidos ao novo curso.
Coma sempre, na biblioteca atoparedes recursos para aprender e para pasalo ben, así como actividades interesantes.
Esperamos que sexa para vós un lugar agradable e útil e participedes de todos os xeitos posibles.
De momento xa están preparándose as Caixas viaxeiras para levar ás aulas un cachiño da biblio.

Festas do mundo. 4

Rematamos a presentación dos traballos elaborados arredor das festas nos países relacionados con nós, premede nas bandeiras para velos:



Alemania

China



Dinamarca

Uruguai

Vietnam



Festas do mundo. 3

Continuamos coa presentación dos traballos elaborados arredor das festas nos países relacionados con nós, premede nas bandeiras para velos:



España

Brasil




EEUU
 

Perú

Marrocos

Visita de Xosé Tomás

O ilustrador Xosé Tomás visitou a nosa biblioteca para encontrarse cos nenos e nenas de infantil.

Visita de Xosé Neira Vilas

O pasado día 24 de maio foi un día especial para o noso colexio: recibimos a visita do escritor Xosé Neira Vilas. O autor de Memorias dun neno labrego e Espantallo amigo explicounos a súa vinculación con Betanzos, onde xa estivo varias veces. Contestou a todas as nosas preguntas de maneira que puidemos coñecer cal foi o proceso creador das dúas obras e ademais as súas opinións sobre temas que teñen que ver con rapaces e  rapazas.
Como agasallo pola súa amabilidade mostrámoslle parte do fruto do noso traballo en forma de obras de teatro e recitado de poemas da súa muller, Anisia Miranda.
Reproducimos nestes vídeos o que foi a xornada, non quixemos recortar nada.

Ao longo do curso foron moitas as actividades que se desenvolveron arredor da súa obra.

A biblioteca nas II Xornadas de atención á diversidade

Nas recentes Xornadas de formación e sensibilización sobre a atención á diversidade que se celebraron en Betanzos, organizadas polo CFR de A Coruña, a Consellería de educación, as ANPA Brigantium e O Carregal e o CEIP Vales Villamarín, estivo presente a nosa biblioteca cunha mostra dos libros que ao longo do curso empregamos para traballar sobre a diversidade.

 

Na presentación das Xornadas, en colaboración coa biblioteca do CEIP de Oza dos Ríos, repasamos cos presentes todas as actividades desenvoltas ata aquel momento.

Visita de Ricardo Gómez

O escritor Ricardo Gómez Gil, autor, entre outras obras de Ojo de Nube, visitou a nosa biblioteca.
O encontro co autor forma parte das actividades realizadas dentro do proxecto Escribir como lectores do Club Telémaco, patrocinado pola Fundación SM e coordinado e realizado pola Asociación Española de Lectura y Escritura (AELE).

 



Festas do mundo. 2

Premede nas bandeiras para ver a información que nenas e nenos do colexio nos aportan:



Italia

Francia



Colombia

Arxentina

Cuba

México

 



Festas do mundo. 1

Presentamos os traballos de investigación realizados para coñecer como se celebran as festas (especialmente Nadal e Entroido) en diferentes lugares do mundo.




Gran Bretaña

Suecia






Irlanda

Portugal

Romanía



Suiza

Procedemos...

No noso colexio somos do máis diverso...
Somos diferentes en canto ás capacidades, ás preferencias e gustos, ao aspecto... e tamén procedemos de moi diversos lugares, védeos aquí:

Pero, recordade: IGUAIS COMA PERSOAS.

Tucho Calvo visítanos na biblioteca

Tucho Calvo, editor, periodista e escritor, visitounos para contarnos doutro xeito o libro Paxaro de mar e vento. Reuniuse co alumnado de 2º de E.P.

 

Tucho é, ademáis, autor dos libros para nenos A castaña que chegou a árbore e Gatipedro.

Encontro con Xabier López

No curso 2011-2012 o escritor Xabier López López visitou a nosa bilioteca para falarnos da súa obra e do seu traballo. Naquel momento leunos, en primicia, un conto que acababa de escribir e ía entregar á editorial para que llo publicaran; agora, en marzo de 2013, o libro víu a luz e puidemos comprobar como se transformaron nun fermoso libro os folios que el nos mostrou.

Xabier acudíu de novo á biblioteca para contarnos como fora o proceso e falarnos do que está a facer.

 

Xabier López López é autor, entre outras obras, dos contos A vella quenlla perdeu os dentes e Son un can!

Libros, libros, libros ...

Alumnos e profesores reflexionamos sobre o que significan para nós os LIBROS e plasmamos as nosas ideas en caligramas, comentarios, acrósticos, historias, ...
Aquí podedes ver una pequena mostra:

23 de abril. Día Mundial do Libro

Como todos os anos o 23 de abril conmemoramos o Día Mundial do Libro.
Este ano a escritora, narradora oral e actriz Paula Carballeira agasallou ás Bibliotecas escolares de Galicia este texto que seguramente nos fará pensar un pouco sobre a nosa relación cos libros, que vos parece?

Libros nos libros

Na biblioteca podedes atopar unha exposición de libros que narran historias nas que os protagonistas son os propios libros. Aquí tedes unha pequena mostra:

Libros nos libros

Publish at Calameo or read more publications.

Feliz Día do Libro!!