TEMOS NOVIDADES RECÉN CHEGADAS Á BIBLIO!

 Os nosos estantes están a encherse de historias novas, aventuras por descubrir e libros que estamos seguras de que vos van encantar. 

 

 

  

 

 

  

Agardámoste na biblioteca para seguir voando xuntas e xuntos coa lectura!

A BIBLIO NO RECREO: UN LUGAR PARA SOÑAR!

Hoxe a nosa biblioteca de primaria volveu abrir durante o recreo… e non vos imaxinades o ben que o pasamos! 

Tivemos moitas visitas: algúns viñestes buscar un novo libro para levar para casa, outros preferistes ler un anaquiño nese recuncho tan acolledor, e tamén houbo quen se achegou simplemente a curiosear ou descansar un pouquiño entre páxinas cheas de aventuras.

Estamos moi contentos de ver a biblioteca tan chea de vida, risas e ilusión por ler.

Lembrade que seguimos abrindo nos recreos, así que estades todos e todas convidados/as a vir:

• para escoitar historias,
• para descubrir novos libros,
• ou simplemente para gozar dun lugar tranquilo e especial onde deixar voar a imaxinación.

RECOMENDACIÓNS LECTORAS - OUTUBRO

O hábito lector segue a medrar no noso centro e, un mes máis, o alumnado do Vales participou na sección de recomendacións lectoras do xornal ACEBE: Betanzos e a súa comarca.

Nesta ocasión, Sara e Vega compartiron con todos os lectores e lectoras dous libros que lles gustaron especialmente. A través das súas recomendacións, descubrimos historias cheas de humor, aventuras e aprendizaxes que animan a seguir lendo e explorando novos mundos.

Sara recomendou A toupiña que quería saber quen lle fixera aquilo na cabeza, unha divertida historia que fai rir aos máis pequenos mentres acompañan á protagonista na súa peculiar investigación. Pola súa banda, Vega escolleu Unicornia 5. Un campamento nas nubes, unha aventura máxica chea de amizade, retos e ilustracións que enganchan desde a primeira páxina.

Estas colaboracións son unha excelente oportunidade para que o alumnado desenvolva a súa capacidade de expresión, comparta as súas experiencias lectoras e anime a outras persoas a descubrir novos libros.

Desde BiblioVales queremos agradecer a participación das nosas alumnas e o compromiso do xornal ACEBE: Betanzos e a súa comarca por seguir dando voz ás lectoras e lectores máis novos.

Cada recomendación é unha invitación a abrir un libro e deixar voar a imaxinación. Parabéns a Sara e Vega por compartir as súas lecturas favoritas con toda a comarca!

Betanzos e a súa comarca. Outubro 2025 (395)

ESCRITORAS GALEGAS QUE NOS FAN SOÑAR!

Na biblioteca de Leo e Mariña celebramos o Día das Escritoras.

E que mellor maneira de festexalo que lendo os libros máis novos que temos escritos por autoras galegas en galego? Historias cheas de emoción, humor, aventuras e moita maxia! 🪄

Aquí tedes algunhas das últimas incorporacións que xa podedes atopar nas nosas estanterías:

  

 

  

• Papóns — Sandra Lodi (Lugo)
• Wombo Combo — Paula Carballeira (Maniños - Fene)
• Sete dentes de león — Ledicia Costas (Vigo)
• Os vagalumes de Marí — Alba Míguez (Gondomar)
• O concurso dos mellores inventos (e outros incribles acontecementos) — Berta Dávila (Santiago de Compostela))
• Os Minimortos. Falso aniversario — Ledicia Costas (Maniños - Fene)
• Analfabeta — Érica Esmorís (A Coruña)
• Daniela e a horta do avó — Antela Cid (Vigo) 
• O rap do coello fedello — Irene Alonso Gasalla (Pontevedra)

Todas estas historias foron escritas por mulleres galegas valentes e imaxinativas, que enchen as súas páxinas de aventuras, emocións e personaxes que non esquecerás.

Anímate a vir á biblioteca, escolle o teu libro favorito e deixa que estas escritoras che conten as súas historias!

Porque cando lemos a escritoras galegas…
Lemos en galego, soñamos en galego e creamos en galego!

HOXE PRESENTAMOS... CUADROS DE UNA EXPOSICIÓN

 

TEMOS NOVIDADES RECÉN CHEGADAS Á BIBLIO!

Os nosos estantes están a encherse de historias novas, aventuras por descubrir e libros que estamos seguras de que vos van encantar. 

 

Agardámoste na biblioteca para seguir voando xuntas e xuntos coa lectura!

PLAN XERAL ANUAL DA BIBLIOTECA

Dende BiblioVales queremos compartir con toda a comunidade educativa que, na Programación Xeral Anual (PXA) do centro, a partir da páxina 33, podedes atopar toda a información relacionada coa nosa biblioteca escolar. Nesa sección recóllese:

• A composición do equipo de biblioteca e a súa organización interna.

• Os obxectivos xerais que nos propoñemos para este curso.

• As liñas prioritarias de actuación.

• Un calendario das actividades desenvolvidas polo equipo ao longo do curso.

• E o proceso de avaliación da nosa labor.

Así mesmo, a partir da páxina 44, poderedes consultar a concreción do Plan Anual de Lectura (PAL) 2025-2026, no que se recollen:

• Os obxectivos específicos que nos marcamos neste curso.

• A organización dos espazos e tempos da biblioteca de Leo e Mariña.

• As liñas de acción prioritarias e o papel da biblioteca como eixo dinamizador da lectura e da aprendizaxe.

• A composición do equipo e os usos e horarios da biblioteca.

• As concepcións previas sobre o desenvolvemento das habilidades lectoras ao longo do curso.

• As accións e actividades programadas, entre as que se inclúen:

  • Actividades para o fomento do interese pola lectura.

  • Actividades para o desenvolvemento da comprensión lectora desde todas as áreas curriculares.

  • Actividades relacionadas coa análise, tratamento e exposición da información.

  • Actividades vinculadas ás celebracións complementarias ou extraescolares.

  • Actividades asociadas á “Hora de Ler”.

  • Propostas e recursos específicos para o alumnado NEAE.

• E, finalmente, o seguimento e avaliación do plan.

Convidamos a toda a comunidade educativa a consultar este documento, que reflicte o traballo conxunto, a planificación e o compromiso do equipo da biblioteca por continuar facendo da nosa biblioteca escolar un espazo vivo, dinámico e en constante crecemento.

PLAN XERAL ANUAL

RECOMENDACIÓNS LECTORAS - SETEMBRO

En BiblioVales encántanos compartir lecturas e descubrir novos libros. Por iso, este mes de setembro, o alumnado do CEIP Francisco Vales Villamarín colaborou co xornal ACEBE: Betanzos e a súa comarca, achegando algunhas das súas recomendacións lectoras favoritas.

Nesta ocasión, Rosalía, Iago, Aynoa e Iria convertéronse en auténticos críticos literarios, seleccionando libros que lles gustaron especialmente e explicando os motivos polos que os recomendarían a outros nenos e nenas. Grazas ás súas palabras, outras persoas poderán descubrir historias cheas de aventuras, amizade, aprendizaxe e curiosidades.

Entre as obras recomendadas atopamos propostas para todos os gustos: desde libros para coñecer diferentes deportes ata historias entrañables sobre a amizade ou lecturas divulgativas que nos achegan ao fascinante mundo da ciencia.

Queremos felicitar ao noso alumnado pola súa participación e agradecer ao xornal ACEBE: Betanzos e a súa comarca que nos permita seguir dando voz ás lectoras e lectores máis novos.
Porque cada libro recomendado é unha porta aberta a novas aventuras... e quen mellor para recomendalos que os propios nenos e nenas!

Parabéns ás nosas lectoras e lectores por compartir as súas lecturas favoritas con toda a comarca!

Betanzos e a súa comarca. Setembro 2025 (394) 

PDI 2025 - 2026: ARTISTADAS

 O CEIP O Vales inicia o curso 2025-2026 cun novo Proxecto Documental Integrado (PDI) que leva por título ARTISTADAS.

Este curso, a arte será o fío condutor das aprendizaxes, servindo como punto de encontro entre áreas, niveis e sensibilidades.

Baixo esta temática global, o alumnado investigará, creará e compartirá coñecementos arredor da pintura, a arquitectura, a escultura, o cine, a música, a danza e o patrimonio cultural, poñendo especial atención na arte galega e no seu valor dentro do patrimonio universal.

🗓️ As tres grandes accións do proxecto

1. CALENDARTE (1º trimestre)
   Crearemos un calendario artístico do ano 2026 con ilustracións, debuxos e composicións elaboradas polo alumnado. Os traballos estarán expostos nos corredores e tamén dispoñibles no blog do centro.

2. CREARTE (2º trimestre)
   Cada nivel elaborará unha produción audiovisual inspirada na súa temática: curtametraxes, podcasts, obras teatrais, vídeos en croma… As creacións serán compartidas no blog o 1 de abril, Día das Artes Galegas.

3. EXPOARTE (3º trimestre)
   O curso pechará cunha gran exposición de arte, onde se mostrarán as producións, investigacións e creacións realizadas ao longo do ano. Será un espazo de encontro e celebración da aprendizaxe compartida.

✨ ARTISTADAS é un proxecto común que nos une como centro, dá protagonismo ao alumnado e converte a creatividade no motor da aprendizaxe.
Grazas a todas as persoas que o fan posible!

Pincha na imaxe para acceder a toda a información

VENRES DE HISTORIAS + VENRES MUSICAIS

Despedimos a sección de venres de historias e venres musicais deste ano no mes de xuño debido a alta participación de alumnado volutario que se ofreceu a contar e interpretar. Deixámosvos unha mostra das historias e interpretacións de dito mes e o ano que vén voltaremos con moito máis. Bo verán!

Brown and Beige Creative Illustration Book Club Presentation de Claudia

VENRES DE HISTORIAS + VENRES MUSICAIS

O mes de maio estivo cheo de actuacións musicais e de contos. Moitos nenos e nenas pasáronse pola biblioteca para escoitar esas interpretacións e historias. A continuación vos deixamos unhas imaxes deses días.

Presentación Diapositivas Proyecto Creativo Garabatos Lila y Blanco de Claudia

FADAS NA CIENCIA (PRIMARIA)

 

FADAS NA CIENCIA (PRIMARIA)

 

FADAS NA CIENCIA (PRIMARIA)

 

FADAS NA CIENCIA (PRIMARIA)