bibliotecas.ceip.vales.villamarin@edu.xunta.gal
O Día Mundial do Teatro celébrase o 27 de marzo de cada ano e foi creado polo Instituto Internacional do Teatro (ITI) no ano 1961. O seu principal obxectivo é dar a coñecer o que representa o teatro para a cultura a nivel mundial.
As compañeiras e compañeiros de 6ºE preparáronnos esta representación do COELLO PETO, unha historia para irnos achegando cun soriso á PASCUA.
Grazas ás rapazas e rapaces de 6º E por seguir compartindo historias con todos nós.
Feliz e merecido descanso á todos.
Vémonos á volta da Pascua!!
O Sábado, día 20 conmemorouse o Día internacional da narración oral e a escritora Fina Casalderrey redactou un Manifesto que compartimos con vós. Convidámosvos a participar lendo o texto de Fina e contando historias nas vosas aulas.
O vindeiro 21 de Marzo celebramos o Día da Poesía. Seguro que xa líchedes moitos poemas e que incluso sabedes os vosos favoritos de memoria. Deixámosvos unha mostra dalgúns libros de poesía que temos na Biblio e vos adiantamos que este ano o Día das Letras Galegas estará adicado á poetisa Xela Arias.
Os medios de comunicación son ferramentas para informar e comunicar contidos de forma masiva ás persoas.
Hoxe temos varias formas de acceso á información de distinto tipo: social, cultural, deportiva, política, económica e esta información pode tamén referirse a un contexto local , comunitario, nacional ou incluso mundial.
A prensa, o xornal, é un destes medios masivos de comunicación e, ademáis ten máis seguidores debido a que ten soporte dixital en Internet . De seguro que tedes lido moitas novas a través do teléfono móbil ou das tablets. Máis, a que tamén é estupendo pasar as páxinas do xornal ?
Na Biblioteca contamos co xornal mensual O papagaio en formato papel e vos deixamos o enlace á súa versión dixital.
https://www.opapagaio.gal/o-papagaio-dixital
O Centro Nacional de Innovación e Investigación Educativa proponnos, a través de Leer.es, unha serie de recursos de fomento da lectura destinados ás familias e aos docentes.
Realmente é moi interesante porque o proxecto presenta catro recursos organizados por grupos de idade (ata 3 anos, de 4 a 7 e de 8 a 11 ou máis) . Neles se ofrece información sobres as características dos nenos e nenas a esas idades , así como as distintas estratexias que poden empregar os adultos para xerar o gusto pola lectura.
Aquí tendes o enlace: https://leer.es/proyectos/crece-leyendo-conmigo
Hoxe, da man de Álvaro Segade Martínez de 6ºA, imos pasar un bo rato escoitando "A VACA QUE PUXO UN OVO" de Andy Cutbill e Russel Ayto. Este libro podédelo atopar na biblioteca.
Moitas grazas polo teu traballo, Álvaro.
Como sabedes, celebramos unha data moi especial, máis dende a Biblio xa o levamos celebrando dende o día 1 (Bibliofeira ) e máis co pasado "Venres de Historias" e as súas interesantes propostas.
Hoxe, traemos ao noso Blog a Declaración da Directora Executiva da ONU sobre o Día Internacional da Muller 2021. Nela denuncia que durante a pandemia estase a producir un aumento da violencia contra as mulleres e as nenas insostible.
Con todo, existen algúns logros que son motivo de celebración, aínda que sigan a ser claramente unha excepción. Son as mulleres que teñen chegado ao máis alto de entidades como á Organización Mundial do Comercio, ao Fondo Monetario Internacional ou ao Banco Central Europeo e esperamos que se produzan máis nomeamentos deste tipo.
Non deixamos pasar a data do 8 de Marzo, Día Internacional da Muller, nestes Venres de Historias.
Invitámosvos nesta ocasión a ver varias curtas, tendes donde escoller.
Agardamos que vos gusten e vos fagan reflexionar, aprender e nos axuden a todos a avanzar cara unha mellor sociedade.
DRAGON BOY de Lisa Allen, Bernardo Warman e Shaofu Zhang
Este venres Lara Fernández, coa colaboración de Maya Lage, de 6ºA cóntanos o conto HILO SIN FIN de Mac Barnett e Jon Klassen, que podedes atopar na biblioteca.
Moitas grazas polo voso traballo e compartir con todos nós!!
Esta semana temos moito que celebrar , nin máis nin menos, que rendirlle homenaxe a unha escritora galega única, adiantada ao seu tempo, unha namorada da cultura ,que soubo transmitirnos tamén o seu amor por Galicia.
BIOGRAFÍA
POEMAS MUSICADOS
Hoxe ALIKE, dirixida por Daniel Martínez Lara e Rafa Cano Méndez. Unha curtametraxe animada para PENSAR e REPENSAR que vida temos e que vida queremos ter, GRIS ou de CORES.
Apetécevos escoitar música infantil en Radio Picariña? Preme no enlace: https://www.crtvg.es/en-directo/canles-directos-rg/radio-picarina