UN NADAL DE ESTRELAS

ESTE NADAL A RAPAZADA DEMOSTROU TER ESTRELA. ADORNARON A ÁRBORE DE NADAL DO COLEXIO COS SEUS "LIBROS ESTRELAS" E TAMÉN EN INFANTIL FIXERON UNS LIBRIÑOS CHEOS DE RECOMENDACIÓNS.

DECEMBRO 2021 de bibliotecavales 

 EN 5ºE CANTARON CON ILUSIÓN PARA DESEXARNOS FELIZ NADAL!

 

BIBLOFEIRA "UN NADAL DE NOVIDADES"

DE SEGURO QUE TEDES MOITÍSIMAS GANAS DE QUE CHEGUEN AS VACACIÓNS DE NADAL, NON SI? ADEMAIS É UN MOMENTO ESTUPENDO PARA DISFRUTAR DA COMPAÑA DA FAMILIA, DOS AMIGOS E DOS LIBROS. 

QUE LIBRO ESCOLLER? DEPENDE, SOBRETODO, DE ATOPAR UN LIBRO OU UN AUTOR QUE VOS FAGA PASALO BEN MENTRES O LEDES, QUE VOS FAGA SENTIR E IMAXINAR, QUE VOS GUSTE TANTO QUE LLO TEÑADES QUE CONTAR A ALGUÉN. 

PERO...POR SE NON VOS OCORRE NADA, O EQUIPO DE BIBLIOTECA MERCOU UNHA CHEA DE LIBROS NOVOS. QUE VOS PARECEN ?

Recomendacións de Nadal de bibliotecavales

CONCURSO DE CARTAS DE NADAL

O Concello de Betanzos organiza por cuarto ano este IV Concurso de cartas aos Reis Magos . 

As cartas poderán depositarse entre o 1 e o 20 de decembro nas caixas de correo real que estarán na entrada do colexio e os Reis Magos responderanlles a todos os nenos e nenas que depositen a carta con todos os datos postais. 

As bases completas do IV Concurso de cartas aos Reis Magos poden consultarse na páxina web, www.betanzos.gal, na sede electrónica, https://sede.betanzos.es, e no taboleiro de anuncios das Oficinas Xerais do Edificio Arquivo. Tamén se pode solicitar máis información do concurso no Servizo de Normalización Lingüística do Concello de Betanzos, no teléfono 981 770 100 ou no enderezo electrónico normalizacion@betanzos.net.

CONTO "O GALO TRAGANOCES"

 Gracias á rapazada de 1ºB podedes escoitar e ver unha adaptación con pictogramas do conto  O galo traganoces , de Roberto Mezquita e Bernardo Carvalho. De seguro que vos vai a encantar !

 

VENRES DE HISTORIAS. OS SETE CABRITOS

Hoxe, no VENRES DE HISTORIAS, imos pasar un bo rato cunha curtametraxe titulada OS SETE CABRITOS, que forma parte dos CONTOS DO CAMIÑO da editorial OQO.

VENRES DE HISTORIAS. O OSO E O PIANO

 Continúan os VENRES DE HISTORIAS cunha fermosa historia de AMIZADE titulada O OSO E O PIANO de David Litchfield.

Claudia e Moisés de 4º B así o comparten con todo nós.

Moitas grazas, polo voso traballo, esforzo e ilusión !!

BIBLOFEIRA ESPECIAL 3 DE DECEMBRO, DÍA INTERNACIONAL DAS PERSOAS CON DISCAPACIDADE

 A nosa vida é mellor cando a compartimos e disfrutamos respectando á diversidade. Na biblioteca atoparedes moitos libros que nos falan das distintas capacidades que temos as persoas e de como superar as dificultades que nos van xurdindo.

día das persoas con discapacidade 2020 de bibliotecavales día das persoas con discapacidade 2020 de bibliotecavales 

 Preferides animarvos a cantar unha canción? Nesta nos contan como Vera, Alberto e Víctor, que teñen discapacidade intelectual, disfrutan de experiencia reais de inclusión no ámbito educativo, laboral e de tempo de lecer.Día das persoas con discapacidade 2020 de bibliotecavales

Os profes e as familias tendes no seguinte enlace unha chea de recursos para visitar e empregar.

  https://www.cocemfe.es/informate/noticias/guia-para-docentes-actividades-de-sensibilizacion-del-alumnado-en-materia-de-discapacidad-y-diversidad/

VENRES DE HISTORIAS. TOUPICIENCIA

 Hoxe, compartimos con vós non unha curta, se non toda unha serie de 8 curtametraxes de divulgación científica: TOUPICIENCIA. A XANELA DO MAXÍN.

Nelas aprenderedes sobre a rotación da Terra, os átomos, os sentidos... e moitas cousas máis

Clicade na imaxe para acceder a elas

Contacontos-concerto virtual a prol da non violencia contra as mulleres

Para celebrar o 25 de novembro, O Concello achegounos unha proposta musical avalada pola Deputación Provincial .

Sabela King á voz e ao ukelele e Carlos Gil ao piano interpretan composicións de produción propia que achegan á rapazada ritmos brasileiros, blues ou rock&roll ao tempo que nos falan de relacións afectivas sas, de igualdade ou da importancia de rachar cos estereotipos sexistas .

 

DÍA INTERNACIONAL DA ELIMINACIÓN DA VIOLENCIA CONTRA AS MULLERES

Celebramos este día sendo moi reflexivos. Compartimos a visión sobre a igualdade que aparece nalgúns contos? Seguramente atopaches estereotipos que non se axustan á túa realidade habitual. Tes que ter en conta cando foron escritos e como eran as persoas ás que ían dirixidos. Aquí tendes algunhas opinións de nenas e nenos. Que opinas ti? 

                                   
                               

Os compañeiros de 5º E elexiron que personaxes querían ser!

Aquí tendes un conto ben coñecido ao que o algúns alumnos da Universidade de A  Coruña lle deron unha volta e representaron "Érase dúas veces a bella durminte"

Non deixedes de ver estas curtas que tamén nos axudan a valorar ás nenas e as mulleres.

                             

                              https://www.educarenigualdad.org/documento/?id=4778

Por último, queremos facervos unha doble invitación, a primeira, a visitar a biblioteca e ver a exposición que temos para celebrar o 25 de novembro e a segunda é a participar na convocatoria que nos fai a ONU.  https://observatorioviolencia.org/pinta-el-mundo-de-naranja/                                                                             

                                                         

VENRES DE HISTORIAS. TIO LOBO

 Están de volta os VENRES DE HISTORIAS!! 

Por riba de virus, grupos burbulla, normas, distancias e protocolos están as gañas de estar xuntos e compartir contos e historias.

Comezamos coa adaptación que XOSÉ BALLETEROS fixo do conto italiano  TIO LOBO,  que está publicado pola editorial KALANDRAKA e podedes atopar na biblioteca. 

ADRIANA E LOLA de 6ºB fan, para todos nós, unha fantástica e nova interpretación.

Grazas polo voso traballo!!!

BIBLOFEIRA ESPECIAL CIENCIA EN GALEGO

Realizamos a Biblofeira celebrando od Mes da Ciencia en galego nas bibliotecas da man de Amparo Alonso Betanzos, profesora, enxeñeira química e investigadora en intelixencia artificial. 

A autora salienta que "... a ciencia é o piar do benestar social e económico, o coñecemento xera persoas e sociedades máis libres e críticas e as bibliotecas son, en parte, as gardas dese coñecemento. Que máis necesitamos para gozalas?." 

Aquí tendes  unha excusa perfecta para ir á nosa Biblioteca Vales de Leo e Mariña. Mirade que Biblofeira !!!

Mes da ciencia de bibliotecavales

Ademais, podedes acceder a moitísimos máis recursos premendo nos seguintes enlaces: https://www.pinterest.es/bescolaresgal/ciencia-en-galego-libro-informativo/ https://www.edu.xunta.gal/biblioteca/blog/?q=ciencia

 

E se que o que queredes é visitar Museos Científicos, premede no enlace de debaixo da foto e veredes como podedes facelo. Animádevos !!!

https://www.coruna.gal/mc2/gl/detalle/semana-da-ciencia-nos-museos-cientificos-coruneses/suceso/1453780056611

NO SAMAÍN COCIÑAMOS DE MEDO !

O ALUMNADO DE 5ºE INSPIROUSE EN "ESCARLATINA, A COCIÑEIRA DEFUNTA" PARA PREPARAR UNS PRATOS BEN SABOROSOS !!!

Escarlatina, a cociñeira defunta de Bibliotecavales

XESÚS FRAGA XA É PREMIO NACIONAL DE NARRATIVA. PARABÉNS!!!

Xesús Fraga, exalumno do noso cole, gañou o Premio Nacional de Narrativa coa súa obra  " Virtudes  (e misterios )" , unha novela escrita en galego. Nela conta a historia da súa familia, otorgango un papel protagonista ás mulleres, especialmente á súa avoa e á súa nai. 

A temática da emigración é esencial no libro e nos fai reflexionar non só sobre a súa vertente socioeconómica, senón tamén no relativo ao que supón de enriquecemento persoal.

Nós tivemos a sorte de contar, hai xa algún tempo, coa presenza de Xesús na nosa Biblioteca e contounos que foi precisamente no noso cole onde se deu conta de que alguén tiña que escribir esas historias que lle gustaba tanto ler. 

Aquí tamén escribiu a súa primeira historia, na clase de galego, titulada " O meu primeiro suspenso", un relato que contou con tanto realismo que o mestre pensou que se trataba dunha vivenza persoal.

Xesús  tamén nos dixo que as historias xurden da vida e que por iso sempre leva unha libretiña onde apuntar as que se lle ocorren. De seguro que xa ten novas anotacións que darán lugar a outra obra estupenda. Parabéns !!!

SABADOS MIÚDOS : "CONTOS DO CHUPETE"

 Este sábado 20 de novembro de 2021 ás 12:00 h na Aula de Usos Múltiples terá lugar o contacontos “Contos do chupete” por conta de Migallas Teatro dentro do programa de dinamización lingüística para público infantil Sábados Miúdos do Concello de Betanzos.

O contacontos está destinado a nenos e nenas de ata 4 anos e as súas familias e ten unha duración de 35 minutos. A actividade ten 15 prazas, con preferencia para os nenos e as nenas empadroadas, que poderán asistir acompañadas dun máximo de 2 persoas adultas.

 O prazo de inscrición para o espectáculo estará aberto en www.betanzos.gal (novas>sábados miúdos) desde as 10:00 h desde o 15 ao 18 de novembro de 2021 e ata cubrir as prazas. A confirmación da praza realizarase antes da actividade no enderezo electrónico facilitado no momento da inscrición.